Connect with us

උණුසුම් පුවත්

Hela FM Media – “අභූත නඩු චෝදනා මත සිර දඬුවම් විඳින රණවිරුවන් සියලුදෙනා නිදොස් කොට නිදහස් කරනවා” – ජය ඝෝෂා මැද ගෝඨා අනුරපුර රැළියේදී ප්‍රතිඥා දෙයි

Published

on


October 9, 2019 10:23 pm | Hela FM Media

තමාගේ ජයග්‍රහණයෙන් පසු අභූත නඩු චෝදනා මත සිර දඬුවම් විඳිමින් සිටින සියලු රණවිරුවන් නිදොස් කොට නිදහස් කරන බව ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ  මහතා පවසයි.

ගෝඨාභය රාජපක්ෂ මහතා මේ බව පැවසුවේ, ‘‘සාර්ථක දැක්මක් වැඩකරන රටක්‘‘  යන තේමාව යටතේ අනුරාධපුර සල්ගාදු ක්‍රීඩාංගණයේදී අද (09) පැවති ශ්‍රී ලංකා පොදුජන පෙරමුණේ මංගල රැලිය අමතමිනි.

ගෝඨාභය රාජපක්ෂ මහතා වැඩිදුරටත් ප්‍රකාශ කළේ ආමි කාරයා, මිලිටරි කාරයා, නේවි කාරයා ලෙස ත්‍රිවිධ හමුදාව ඇමතු යුගය අවසන් කර 2015 දී රණවිරුවාට අභිමානයක් ඇති කර දීමට හැකියාව ලැබුණු බවයි.

එසේ අභිමානයක් ලබා දුන් රණවිරුවා යුධ අධිකරණයට ගෙනයාමට වත්මන් ආණ්ඩුව කටයුතු කළ බවත් ගෝඨාභය මහතා පවසයි.

අනුරාධපුර ජනතාව මුහුණ පානා ප්‍රමුඛ ගැටලු කිහිපයකට අවධානය යොමු කරමින්   ගෝඨාභය රාජපක්ෂ මහතා ප්‍රකාශ කළේ පානිය ජල පිරිසිදු කිරීමේ ක්‍රමවේදයට නූතන තාක්ෂණය එක්කර ගැනීමට තමන් අදහස් කර සිටිනා බවයි. එමගින් අනුරපුර ජනතාව මුහුණ දෙන මූලීක ගැටලුවක් වන වකුගඩු රෝගය අවම කිරීම සිය අරමුණ බව ඒ මහතා කියා සිටියේය.

වන අලින්ගෙන් සිදුවන හානිවලට කඩිනමින් වන්දි ලබාදෙන ක්‍රමවේදයක් සකස් කරමින් රටට පිළිලයක් වී ඇති අලි – මිනිස් ගැටුමට විසඳුම් ලබා දෙන බව ද ඔහු එහිදී පැවසීය.

ගෝඨාභය රාජපක්ෂ මහතා පැවසුවේ, ගොවීන්ට පොහොර සහනාධාරය නොමිලේම ලබා දෙමින් කෘෂි කර්මාන්තය තරුණයින් අතර ආකර්ෂණීය වෘත්තියක් බවට පත් කිරීමට කැප වන බවයි.

බිය සැක නැති රටක්, අතමිට සරු හෙටක් අපි ජනතාවට සහතික කරන බවට ද ගෝඨාභය රාජපක්ෂ මහතා එහිදී ප්‍රතිඥා දුන්නේ ය.




Hela FM Media Network

Continue Reading
Click to comment

Leave a Reply

Your email address will not be published. Required fields are marked *

උණුසුම් පුවත්

ෆේස්බුක් සාදයක් වටලා තරුණ තරුණියන් 25ක් මත්ද්‍රව්‍ය සමඟ අත්අඩංගුවට

Published

on


අවිස්සාවේල්ල –  තැඹිලියාන ප්‍රදේශයේ හෝටලයක සංවිධානය කර තිබූ ෆේස්බුක් සාදයකට එක්ව සිටි තරුණ තරුණියන් 25 දෙනෙකු, මත්ද්‍රව්‍ය සමඟ පොලීසිය විසින් අත්අඩංගුවට ගෙන තිබේ.

අත්අඩංගුවට ගත් පිරිස අතර තරුණියන් සිව් දෙනෙකු සහ තරුණයින් 21 දෙනෙකු සිට ඇති අතර ඔවුන් ඇඹිලිපිටිය, දෙහිඕවිට, කොස්ගොඩ, කොළඹ, ගාල්ල සහ මාතර ප්‍රදේශවල පදිංචිකරුවන් ය.

අත්අඩංගුවට ගත් පිරිස සතුව තිබී හෙරොයින් මත්කුඩු ග්‍රෑම් 1යි මිලිග්‍රෑම් 300ක්, අයිස් මත්ද්‍රව්‍ය මිලිග්‍රෑම් 525ක් සහ ගංජා මිලිග්‍රෑම් 10ක් පොලීස් භාරයට ගෙන ඇත.

ඊයේ රාත්‍රියේ සිදුකළ වැටලීමකදී මොවුන් අත්අඩංගුවට ගෙන ඇති අතර අද අවිස්සාවේල්ල මහේස්ත්‍රාත් අධිකරණය වෙත ඉදිරිපත් කිරීමෙන් පසු ඉදිරි ක්‍රියාමාර්ග ගැනීමට නියමිතය.


Hela FM Media Network

Continue Reading

උණුසුම් පුවත්

පැය දෙකකට අඩු කාලයකින් මැරතන් තරඟයක් නිමාකිරීමේ අසමසම ලෝක වාර්තාවක්

Published

on


පැය දෙකකට අඩු කාලයකින් මැරතන් ධාවන තරඟයක් අවසන් කරමින් අසමසම වාර්තාවක් තැබීමට එලියුඩ් කිප්චෝගේ නම් කෙන්යානු ජාතික ක්‍රීඩකයෙකු ඊයේ(12) සමත් විය.

එලියුඩ් කිප්චෝගේ මෙම අසමසම වාර්තාව තැබුවේ පැය 1යි මිනිත්තු 59 ක් සහ තත්පර 40 ක් ඇතුළත ය.

ඔස්ට්‍රියාවේ වියානා නගරයේ පැවති මැරතන් ධාවන තරඟයක දී කිප්චෝගේ මෙම වාර්තාව හිමිකර ගත්තේ ය.

මැරතන් තරගයක සම්මත දුර ප්‍රමාණය සැතපුම් 26.2188 ක් හෙවත් කිලෝමීටර 42.195ක් වන අතර මීට ඉහත හොඳම තරඟ කාලය ලෙස සටහන්ව තිබුනේ පැය 2 තත්පර 48 කි.

Ineos නම් රසායන ද්‍රව්‍ය නිෂ්පාදන සමාඟමක් විසින් මෙම තරඟය සංවිධානය කර තිබිණි.

එලියුච් කිප්චෝගේ මෙම තරඟ වාර්තාවට අමතරව නිල මැරතන් ලෝක වාර්තාවකට සහ ඔලිම්පික් මැරතන් ලෝක වාර්තාවකට ද හිමිකම් කියයි.

තරඟ ආරම්භයේ සිටම කිප්චෝගේ අනෙකුත් ක්‍රීඩකයන්ගෙන් කැපී පෙනෙන සුදු පැහැ බැනියමකින් සැරසී සිටි අතර ඔහු පැලඳ සිටි පාවහන් යුගල ද මෙම වාර්තාව තැබීමට රුකුලක් වන්නට ඇතැයි විචාරකයන් පෙන්වා දෙයි. කෙසේ වෙතත් කිප්චෝගේ සම්බන්ධ වාර්තා පෙන්වා දෙන්නේ ඔහුගේ අසීමිත කැපවීම හා ධෛර්ය මෙම වාර්තාව තැබීමට හේතු වූ බවය.


Hela FM Media Network

Continue Reading

උණුසුම් පුවත්

වැලිමඩ නිවසක් මතට ගසක් කඩාවැටීමෙන් තිදෙනෙකු මරුට

Published

on


වැලිමඩ ප්‍රාදේශීය සභා ගොඩනැඟිල්ල අසල පිහිටි තාවකාලික නිවසක් මතට ගසක් කඩා වැටීමෙන් තරුණියක් සහ පිරිමි දරුවන් දෙදෙනෙකු ජීවිතක්ෂයට පත්ව තිබේ.

මෙම අනතුර ඊයේ(12) රාත්‍රියේ සිදුව ඇති අතර ප්‍රදේශයට ඇදහැලෙන අධික වර්ශාවත් සමඟ මෙම නිවස මතට ගස කඩා වැටී ඇතැයි වාර්තා වේ.

අනතුරින් අවුරුදු 18ක තරුණියක් සහ අවරුදු 14 සහ 10 වයස්වල පසුවන පිරිමි දරුවන් දෙදෙනෙකු රෝහල් ගතකිරීමෙන් පසුව මියගොස් ඇත.

තවත් අවුරුදු 22ක තරුණයෙක් වැලිමඩ රෝහලේ නේවාසිකව ප්‍රතිකාර ලබයි.

සිද්ධිය සම්බන්ධව වැඩිදුර පරීක්ෂණ සිදුකරයි.


Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd