Connect with us

උණුසුම් පුවත්

සජිත්ට විරුද්දව මහා පරිමාණ වංචා චෝදනාවක්.. චෝදනා පත‍්‍රය මෙන්න..

Published

on


ඔනෑම පුද්ගලයෙකුට හෝ සමාගමකට ව්‍යාපාරික කටයුත්තක් සදහා කෙටි දුරකතන අංකයක් ලබා ගැනීමට අවස්ථාව ඇත. ඒ සදහා කිසියම් මුදලක් අදාල සමාගමට ගෙවීම අනිවාර්යෙන්ම කල යුතුය. සියලුම දුරකතන සමාගම් සදහා කෙටි අංකයක් ලබා ගැනීමට නම් විදුලි සංදේශ නියාමන කොමිෂමට රැපියල් 750000.00 මුදලක් හා අදාල බදු මුදල් ගෙවා වර්ෂයක් සදහා කෙටි අංකයක් ලබා ගත හැක.

13 xx අංකයෙන් ආරම්භ කරනු ලබන අංකය ලබා දෙනු ලබන්නේ පුද්ගලික අංශයේ ආයතන සදහාය. විදුලි සංදේශණ නියාමන කොමිෂන් සභාවේ නීති රීති වලට අනුව එසේ ලබා ගත් කෙටි අංකයක් වෙනත් කටයුතු සදහා හෝ වෙනත් අය සදහා ලබා දීම නීති විරෝධී වේ.එසේ කල හොත් අදාල කෙටි අංකය අවලංගු කිරීමට කොමිෂමට බලය ඇත.

මෙවර ජනාධිපතිවරණය සදහා තරග වදින සජිත් ප්‍රේමදාස මහතාට සහය පළ කිරීම සදහා මේවන විට 1326 දරණ කෙටි දුරකතන අංකය ලබා දීඇත. එම අංකය අයිති සමාගම වන්නේ Rakwana minaral exploration pvt ltd සමාගමයි.2019/08/22 දින විදුලි නියාමන කොමිෂන් සභාවේ අධ්‍යක්ෂක ජනරාල්වරයාගේ අත්සනින් යවනු ලබන ලිපියක් මගින් දැනුම් දෙනු ලබන්නේ අදාල කෙටි දුරකතන අංකයට ලැබෙන සියලුම ඇමතුම් 0115300801 දුරකතන අංකයට හරවා යවන ලෙසයි.  13 අංකයෙන් ආරම්භ වන කෙටි අංක ඇතුලත් නාමාවලියේ 1326 අංකය සදහන් කර නැත.

එක් වරක් එම දුරකතන අංකයට ඇමතුමක් ලබා දුන් විට ඔහුගේ මැතිවරණ කාර්යාලයෙන් නිතර නිතර  ග්‍රාහකයා වෙත දුරකතන ඇමතුම් හා කෙටි පණිවිඩ ලැබේ.

විදුලි සංදේශණ නියාමන කොමිෂන් සභාවේ නීති රීති අනුව මෙසේ කිරීම නීති විරෝධී වේ.

රටේ පාලකයි වීමට සිතා සිටින පුද්ගලයෙකු රාජ්‍ය ආයතනයකට බලපෑම් කර හෝ නොකර රටේ පවතින නීති රීති උල්ලංඝණය කිරීම අප සංවිධානය තරයේ හෙළා දකිමු. මෙම රජයේ ඩිජිටල් යටිතල පහසුකම් සහ තොරතුරැ තාක්ෂන අමාත්‍යවරයා වන්නේ නීතීඥයෙකු වන අජිත් පී පෙරේරා මහතාය ඔහුගේ මුහුණු පොතේ ද 1326 දුරකතන අංකයක් ලබා ගෙන සජිත් ප්‍රේමදාස මහතාට සහයෝගය ලබා දෙන ලෙස ඉල්ලා තිබීම දැක ගත හැකි විය. සජිත් ප්‍රේමදාස මහතා  ජනාධිපති වූ පසු කැබිනට් අමාත්‍යධූරයක් ලබා ගැනීමට සිහින දකින අජිත් පී පෙරේරා මහතා අමු අමුවේ මෙරට ආයතනයක් තුල පවතින නීතිරීති උල්ලංඝණය කිරීම ඊටත් වඩා පිළිකුල් සහගතය.

තම අනාගත පාලකයා තෝරා ගැනීම සදහා ජනතාවට අවස්ථාව ලබා දිය යුතු සේම සෑම අපේක්ෂකයෙකුහටම සාධාරණ අවස්ථා ලබා දීම පිළිබදව සොයා බැලීම අප සංවිධානයේ අරමුණ වන බැවින් සාධාරණ හා ස්වාධීන ජනාධිපතිවරණයක් පැවැත්වීම සදහා අප අවධියෙන් සිටින බවද මතක් කරමු.

රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය


Hela FM Media Network

Continue Reading
Click to comment

Leave a Reply

Your email address will not be published. Required fields are marked *

උණුසුම් පුවත්

තොණ්ඩමන්ගේ සහය ගෝඨාබයට

Published

on


ඉදිරි ජනාධිපතිවරණයේදී ලංකා කම්කරු කොංග්‍රසයේ සහය, පොහොට්ටු පක්ෂයේ ජනාධිපති අපේක්ෂක ගෝඨාබය රාජපක්ෂ මහතා වෙත ලබාදීමට තීරණය කළ බව එම පක්ෂයේ නායක පාර්ලිමේන්තු මන්ත්‍රී අරුමුගම් තොණ්ඩමන් මහතා ප්‍රකාශ කළේය.

ඒ මහතා මේ බව සඳහන් කර සිටියේ හැටන්-කොටගල, පිහිටි ලංකා කම්කරු කොංග්‍රස් පක්ෂ මූලස්ථානයේ අද(13) පැවති මාධ්‍ය හමුවක් අමතමිනි.


Hela FM Media Network

Continue Reading

උණුසුම් පුවත්

අනුර උපකාරක පන්ති ගුරුවරු හමුවෙයි

Published

on


ජාතික ජන බලවේගයේ ජනාධිපති අපේක්ෂක අනුර කුමාර දිසානායක මහතා සමඟ උපකාරක ගුරුවරුන්ගේ හමුවක් ඊයේ (12) පස්වරුවේ කෝට්ටේ “සෝලිස්” උත්සව ශාලාවේදී  පැවැත්විනි.

වෘත්තීය දේශකයින්ගේ සංසදය විසින් සංවිධානය කර තිබූ මෙම අවස්ථාවට ප්‍රවෘන සංයුක්ත ගණිත දේශක ගයාන් මීගහවත්ත මහතා, ප්‍රවීන දේශක වසන්ත තිළිනගම මහතා, ප්‍රවීන දේශක චරිත දසානායක මහතා සිවිල් ඉන්ජිනේරු, ප්‍රවීන සංයුක්ත ගණිතය දේශක දුෂ්‍යාන්ත මහබදුගේ මහතා අතුළු උපකාරක පංති ක්ශේත්‍රයේ ප්‍රවීන දේශකයින් රැසක් ඊට එක්වී සිටියහ.


Hela FM Media Network

Continue Reading

උණුසුම් පුවත්

ෆේස්බුක් සාදයක් වටලා තරුණ තරුණියන් 25ක් මත්ද්‍රව්‍ය සමඟ අත්අඩංගුවට

Published

on


අවිස්සාවේල්ල –  තැඹිලියාන ප්‍රදේශයේ හෝටලයක සංවිධානය කර තිබූ ෆේස්බුක් සාදයකට එක්ව සිටි තරුණ තරුණියන් 25 දෙනෙකු, මත්ද්‍රව්‍ය සමඟ පොලීසිය විසින් අත්අඩංගුවට ගෙන තිබේ.

අත්අඩංගුවට ගත් පිරිස අතර තරුණියන් සිව් දෙනෙකු සහ තරුණයින් 21 දෙනෙකු සිට ඇති අතර ඔවුන් ඇඹිලිපිටිය, දෙහිඕවිට, කොස්ගොඩ, කොළඹ, ගාල්ල සහ මාතර ප්‍රදේශවල පදිංචිකරුවන් ය.

අත්අඩංගුවට ගත් පිරිස සතුව තිබී හෙරොයින් මත්කුඩු ග්‍රෑම් 1යි මිලිග්‍රෑම් 300ක්, අයිස් මත්ද්‍රව්‍ය මිලිග්‍රෑම් 525ක් සහ ගංජා මිලිග්‍රෑම් 10ක් පොලීස් භාරයට ගෙන ඇත.

ඊයේ රාත්‍රියේ සිදුකළ වැටලීමකදී මොවුන් අත්අඩංගුවට ගෙන ඇති අතර අද අවිස්සාවේල්ල මහේස්ත්‍රාත් අධිකරණය වෙත ඉදිරිපත් කිරීමෙන් පසු ඉදිරි ක්‍රියාමාර්ග ගැනීමට නියමිතය.


Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd