Connect with us

උණුසුම් පුවත්

රෝහිත අබේගුණවර්ධන මාර්ග නීති කඩ කරයි

Published

on


එක්සත් ජනතා නිදහස් සන්ධාන පාර්ලිමේන්තු මන්ත්‍රී රෝහිත අබේගුණවර්ධන මහතා මාර්ග නීති කඩ කරමින් තවත් පිරිසක් සමග ප්‍රධාන මාර්ගයක යතුරුපැදි පෙළක් ධාවනය කරන අයුරු දැක්වෙන ජායාරූපයක් මේ වනවිට පුවෘත්ති අඩවිවල සහ සමාජජාලවල හුවමාරු වෙමින් තිබේ.

එම ඡායාරූපයට අනුව වලල්ලාවිට ප්‍රාදේශීය සභාවේ සභාපති උදේනි අතුකෝරල මහතා විසින් රෝහිත අබේගුණවර්ධන මහතාව යතුරු පැදියක නංවාගෙන හිස් වැසුම් නොමැතිව රංචුවක ආකාරයට යතුපැදි ධාවනයේ නිතරවෙමින් සිටී.

එම පිරිස මීගස්තැන්න පොලීසිය ඉදිරිපිටින්ද මෙසේ නීතිය කඩකරමින් ගමන් කර ඇති නමුත් පොලිසිය කිසිදු නීතිමය ක්‍රියාමාර්ගයක් ගැනීමටද උත්සුක වී නැත.

මොවුන්ට දේශපාලන බලය නොමැති තත්වයක් යටතේ මෙලෙස හැසිරෙන්නේනම් දේශපාලන බලය ලැබණු කල කෙලෙස නීතිය කඩකරනු ඇතිදැයි මහ ජනතාව ප්‍රශ්න කරමින් සිටිති.

පැවති රාජපක්ෂ පාලන සමයේද මොවුන් කටයුතු කරනු ලැබුවේද මේ අකාරයටම නීතිය හා සාමය පසිඳලන ආයතනවල සහ එම නිලධාරීන්ගේ අභිමාණය කෙළසමින්, නීතිය තමන් අතට ගනිමිණි.


Hela FM Media Network

Continue Reading
Click to comment

Leave a Reply

Your email address will not be published. Required fields are marked *

උණුසුම් පුවත්

කොලඹට ඇතුළුවන සියළු පුද්ගලික වාහනවලින් ගාස්තුවක් !

Published

on


කොළඹ නගරයට ඇතුළු වන සියලුම පුද්ගලික වාහන වර්ගීකරණය කර ගාස්තු අය කිරීම සඳහා සැලසුම් සකස් කරමින් ඇති බව වාර්තා වෙයි.

මගී ප‍්‍රවාහන කළමනාකරණ අමාත්‍යාංශයේ ප්‍රකාශකයෙකු සඳහන් කළේ මෙම සැලසුම ක්‍රියාත්මක වනු ඇත්තේ කොළඹට තදාසන්න නගරවල සිට සුඛෝපභෝගී බස් මගී ප්‍රවාහන සේවාවක් ආරම්භ කිරීමත් සමග බවයි.

කොළඹ නගරයේ ඇති අධික වාහන තදබදය හා දිනපතා ඉහළ වන වායු දුෂණය අඩු අඩු කිරීම මෙහි අරමුණ බව එම ප්‍රකාශකයා සඳහන් කළේය.

දිනකට රුපියල් කෝටි ගණනාවක ඉන්ධන මෙම වාහන තදබදය හේතුවෙන් අපතේ යන බවද ඔහු කියා සිටියේය.

නගරයට ඇතුළු වන වාහන වලින් ගාස්තුවක් අය කිරීමට අමතරව තදබදය අඩු කිරීමට තවත් යෝජනා කිහිපයක් ද මේ වන විට ඉදිරිපත් වී ඇති බවද ඔහු සඳහන් කළේය.


Continue Reading

උණුසුම් පුවත්

නායකයා ‌තෝරන එජාප කමිටුව සදුදා රැස්වෙයි

Published

on


එක්සත් ජාතික පක්ෂයේ නව නායකයා ‌‌තෝරාගැනීම සදහා වන කමිටුව ලබන සදුදා රැස්වීමට නියමිත බව වාර්තා ‌වේ.

පසුගිය බ්‍රහස්පතින්දා පැවැති පක්ෂයේ මන්ත්‍රී කණ්ඩායම් රැස්වීමේදී විපක්ෂ නායකත්වය සජිත් ‌ප්‍රේමදාස මහතාට ලබා දීමට තීන්දු වූ අතර එළඹෙන නත්තලට ‌පෙර පක්ෂ නායකත්වය ‌වික්‍රමසිංහ මහතාගෙන් ඉවත් ‌කොට ‌වෙනත් අයකුට පැවරීමටද තීන්දු විය.

ඒ අනුව ඊට අදාළ සාකච්ජා සදුදා දින ආරම්භ වීමට නියමිත අතර ‌බොහෝදුරට එය කරු ජයසූරිය මහතා හට ලැබීමට නියමිත බවද දැනගන්නට ඇත.




Hela FM Media Network

Continue Reading

උණුසුම් පුවත්

Hela FM Media – හෙද උපාධිය පිරිනැමිමට සෞඛ්‍ය අමාත්‍යවරියගේ පුර්ණ එකඟතාව

Published

on


December 7, 2019 10:30 am | Hela FM Media

රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමිපාණන් ඇතුලු එම සංගමයේ නිලධාරින් ඊයේ (05) සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්ෂණ අමාත්‍ය පවිත්‍රා වන්නිආරච්ච් මහත්මිය සමග සිය වෘත්තීන්ට අදාල කරුණු සම්බන්ධයෙන් සාකච්ඡාවක නිරත විය.

මෙම සාකච්ඡාව සෞඛ්‍ය අමාත්‍යාංශයේ අමාත්‍ය කාර්යාලයේ දී පැවැත්විනි.

මෙහිදී නව රජයේ ප්‍රතිපත්ති ප්‍රකාශනය වන “සෞභාග්‍යයේ දැක්ම” ප්‍රතිපත්ති ප්‍රකාශනයේ සඳහන් සෞඛ්‍ය සේවාව නගා සිටුවිමට අදාළ කරුණු ක්‍රියාත්මක කිරිම පිළිබඳව අවධානය යොමු කරන ලදි.

රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමිපාණන් ඇතුලු එම සංගමයේ නිලධාරින් පසුගිය වසර 4 ½ කාලය පුරාවට හෙද ක්ෂේත්‍රයට අදාළ නොවිසදුණු ප්‍රශ්න හා ගැටලු පිළිබඳ අමාත්‍යවරිය දැනුවත් කිරීමට මෙහිදී පියවර ගන්නා ලදි.

විශේෂයෙන් හෙදියන් සදහා හෙද උපාධිය පිරිනැමිම පිළිබඳව කඩිනම් පියවර ගන්නා ලෙස අමාත්‍යවරියගෙන් ඉල්ලා සිටින ලදි. ඒ අනුව හෙද උපාධිය පිරිනැමිම පිළිබද අමාත්‍යතුමිය සිය එකඟතාවය පළ කරන බව ද ප්‍රකාශ කළාය. එම සංගමය විසින් සාකච්ඡාවට ගත් ප්‍රධාන කරුණූ වලට අමතරව හෙද සේවාවේ උසස්විම්, ස්ථානමාරුවිම් සහ සුබසාධන කටයුතු පිළිබදව දීර්ඝ වශයෙන් සාකච්ඡා කරන ලදි.

මෙම සාකච්ඡා සදහා රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද හිමිපාණන්, සෞඛ්‍ය හා දේශීය වෛද්‍ය සේවා අමාත්‍යාංශයේ ලේකම් පී.එම්.එස් චාල්ස් මැතිණිය, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා, අමාත්‍යාංශයේ නිලධාරින් සහ රාජ්‍ය සේවා එක්සත් හෙද සංගමය නියෝජනය කරමින් නිලධාරීන් එක්ව සිටියහ.


Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd