Connect with us

ආහාරපාන

මීට පස්සෙ ලංකාවේ කෝපි කඩේකට ගියහම වැඩ්ඩෙක් වගේ කෝපි එකක් ඉල්ලන්න, මේ කෝපි වර්ග ගැන දැනගෙන ඉන්න – Hela FM Media

Published

on


 

ලංකාවේ අපිට කෝපි ගැන අමුතුවෙන් උගන්නන්න දෙයක් නෑනේ ආයුබොවන්ඩ. ආය කෝපි කඩෙන් ගන්න වැඩි සීනි හරිස්චන්ද්‍ර කෝපි එකත්, ගෙදර හදන කබලේ බැදලා කුඩුකරගත්තු ගහේ කෝපි කෝප්පෙත් අපිට ගේමක් නෑ. හැබැයි ඉතින් ඔය බර කරලා කියන්නේ “කොෆී ලෝන්ජ්” කියලා. ආන්න ඒ පොට් එකකට ගියාට පස්සේ සමහරුන්ට පොඩ්ඩක් අප්සැට්. වෙන මොකක්කත් නෙවෙයි, ඕකේ මෙනු එකේ තියෙන නානාප්පකාර කෝපි ජාති දිහා බලලා අප්සැට්. දැන් ඕක ඕඩර් කරලා අරන් බොන්න බැරි වුනොත් වස චාටරේ. ඒ විතරක්ද, සුපියල් දෙතුන්හාර සීයකුත් අපතේ. ආන්න ඒ නිසා තමයි අපි කියලා දෙන්න හදන්නේ ඔය කොෆී ලෝන්ජ් වල තියෙන අමුතු නං තියෙන කෝපි වල ඇත්තටම රස එහෙම කොහොමද කියලා. එතකොට ඊලඟ වතාවට ඔය වගේ පොට් එකකට ගියහම වැඩ්ඩෙක් වගේ, ඔව් වැඩ්ඩෙක් වගේ කෝපි ඕඩර කරතෑකි!

 

1. Espresso
Source –
menshealth.com

කුඩු හරහා තෙරපන එක. ඒ කියන්නේ පීඩනයකින් තමයි මේ වතුර ටික කෝපි කුඩු හරහා එන්නේ. එතකොට වෙන්නේ බොහොම ප්‍රබල කෝපි රසයක් තියෙන, අර කෝපි වල ඇසිඩ් ගතිය සුපිරියටම තියෙන සාන්ද්‍ර කෝපි ද්‍රාවණයක් ලැබෙන එක. මෙන්න මේක තමයි එස්ප්‍රෙසෝ කියන්නේ.

මේකට තමයි සිංගල් ෂොට් එස්ප්‍රෙසෝ නැත්නම් නිකම්ම එස්ප්‍රෙසෝ කියන්නේ. හැබැයි සමහරු මෙච්චර බර, සාන්ද්‍ර කෝපි රහට කැමති නෑ. ඒ නිසා මුලින්ම සිංගල් ෂොට් එස්ප්‍රෙසෝ එකක් තොලගාලා හිටියනං, අනික් කෝපි ජාති වෙනස් වෙන හැටි හිතාගන්න තිබුණා.

 

2. Double Espresso
 Know Your Coffee
Source – espressococo.com

ඔව් මේකෙන් කියවෙන්නෙත් ඔය හිතන දේම තමයි. එස්ප්‍රෙසෝ ෂොට් දෙකක් එක කෝප්පෙකට දාලා. ලොකු අවුලක් නෑ වගේ කියල නේද හිතෙන්නේ? එස්ප්‍රෙසෝ වලට හුරුපුරුදු, සාන්ද්‍ර කෝපි රහට කැමති මනුස්සයෙක්ට නං අවුලක් වෙන එකක් නෑ. හැබැයි හුරු නැති ඩයල් එකක් නං ඩබල් ෂොට් එස්ප්‍රෙසෝ ගහන්න ගිහින් ඔලුව කැක්කුමත් හදාගෙන නවතින්නේ.

 

 

3. Short Macchiato
 Know Your Coffee
Source – pbase.com

සාමාන්‍යයෙන් කෝපි ලෝලියෙක්ගේ ඩ්‍රින්ක් එක තමයි එස්ප්‍රෙසෝ. හැබැයි ඉතින් අර සාන්ද්‍ර කෝපි ගතියත්, ඇසිඩිටි එකත් එක්ක එනවා තිත්ත රහකුත්. සමහරු මේකට කැමතියි, සමහරු අකමැතියි. දැන් අපි හිතමු අපිට එස්ප්‍රෙසෝ එකේ රසය විඳගන්න ඕන අර තිත්ත ගතිය නැතුව කියලා. ඔන්න එනවා මැකියාටෝ. ෂෝට් මැකියාටෝ කියන්නේ ඇත්තටම හුමාලයෙන් රත් කරපු කිරි චුට්ටක් දාපු එස්ප්‍රෙසෝ එකක්. මේකෙන් එස්ප්‍රෙසෝ එකේ තද කළු ගතිය පොඩ්ඩක් මැකෙන එක විතරයි වෙන්නේ.

 

4. Long Macchiato
 Know Your Coffee
Source – tripadvisor.com.au

දැන් අපි කියමු ෂෝට් මැකියාටෝ එකක් රහ බලනකොට, මේකේ තව පොඩ්ඩක් ස්වීට් ගතිය අඩුවෙලා තව සාන්ද්‍ර කෝපි ගතිය, ඒ කියන්නේ එස්ප්‍රෙසෝ ගතිය වැඩි වුනා නං මරු කියලා අපිට හිතෙනවා කියලා. අන්න එතකොට ගැලපෙන ඩ්‍රින්ක් එක තමයි ලෝන්ග් මැකියාටෝ. ඒ කියන්නේ ඩබල් ෂොට් එස්ප්‍රෙසෝ එකකට අර විදියටම ස්ටීම් කරගත්තු කිරි ජුන්ඩක් දාලා හදාගන්න බීම. මෙතනදීත් අර තිත්ත රස මැකිලා ගියත්, ලෝන්ග් මැකියාටෝ එක වඩා ප්‍රබල රසයකින් යුක්තයි.

 

5. Americano
 Know Your Coffee
Source – hotel-r.net

මෙන්න මේක තමයි ගැලපෙන්නේ ඔය උඩ කිව්ව කෝපි එකක්වත් සෙට් වෙන්නෙ නැති අයට. ඇමරිකානෝ! මේක හදන්නේ එස්ප්‍රෙසෝ එකට කේතලෙන් ගත්තු උණුවතුර දාලා. එතකොට මොකැයි වෙන්නේ? අර එස්ප්‍රෙසෝ එකේ තියෙන සාන්ද්‍ර, බර, තිත්ත ගතිය මැකිලා ගාණකට එනවා. හරියට ගෙදර හදපු කෝපි එක වගේ. හැබැයි එමම නෙවෙයි. මොකද ඊට වඩා මොකද්දෝ ආතල් රහක් මේකේ තියෙනවා. ඒ කියන්නේ අර නිකං බටර්ස්කොච් ෆ්ලේවර් එකක් වගේ.

 

6. Cappuccino
 Know Your Coffee
Source – expressioncoffins.com.au

මෙන්න උදේ කෑමට පස්සේ ගහන්න මරු කෝපි එක. සාමාන්‍යයෙන් නං කැපුචිනෝ එකක් හදන්නේ ඩබල් ෂොට් එස්ප්‍රෙසෝ එකක් අරගෙන, ඒකට උණු කිරි සහ අර ස්ටීම් කරගත්තු කිරි පෙණ දාලා. ඔය ටික ගාණට බැලන්ස් කරලා ගත්තහම ඩබල් ෂොට් එස්ප්‍රෙසෝ එකේ තියෙන තිත්ත රහ මැකිලා ගිහිල්ලා කිරි රහත් එක්ක බොහොම රසවත් කෝපි රහක් සෙට් වෙනවා. මේකට සමහරු කිරි වෙනුවට ක්‍රීම් දානවා. එතකොට සමහරු ඔය කුරුඳු කුඩු ටිකක්, කොකෝවා කුඩු ටිකක් එහෙමත් ඉහිනවා රස වැඩි වෙන්න.

 

7. Café Latte
 Know Your Coffee
Source – happykampotpizza.com

මෙන්න මේක මරු බර කෝපි රහට වැඩි කැමැත්තක් නැති අයට. සමහරු නං මේක සලකන්නේ පොඩි එවුන්ගේ කෝපි බීමක් විදියට තමයි, ඒත් ඉතින් අර සාන්ද්‍ර එස්ප්‍රෙසෝ එක සෝබනේටවත් බොන්න හිත හදාගන්න බැරි කෙනෙක්ට මේක නියමම ට්‍රීට් එකක්. කැෆේ ලතේ නැත්නම් නිකම්ම ලතේ හදන්නේ එස්ප්‍රෙසෝ එකට ස්ටීම් කිරි සෑහෙන්න දාලා, උඩට අර කිරි පෙණ ලේයර් එකකුත් එකතු කරලා. ඔව්, ගෙදර හදන කිරි කෝපි එක වගේ දැනෙනවා තමයි. හැබැයි මේක ඊට වඩා සෑහෙන්න රහක් තියෙන බීමක්.

 

8. Mocha
 Know Your Coffee
Source – shailarisma.blog.upi.edu

කැෆේ මෝකා, මොකැචිනෝ නැත්තං නිකංම මෝකා කියලා ඉල්ලන්න පුලුවන් මේ කෝපි එක මාරම රහ එස්ප්‍රෙසෝ එකක්. මේක අර උඩ කිව්ව කැෆේ ලතේ එකෙන් වෙනස් වෙන්නේ, මේකට වැඩිපුර චොකලට් සිරප් එකතු කරන එකෙන් තමයි. නිකමට හිතලා බලන්නකෝ අර එස්ප්‍රෙසෝ එකේ තිත්ත සහ බර ගතිය සම්පූර්ණයෙන්ම මැකිලා ස්වීට් ගතිය ඉස්මතු වෙන්න දාපු ලොකු කිරි කෝප්පෙත් එක්කම චොකලට් සිරප් රහත් එකතුවෙලා එනකොට? හැබැයි ඉතින් මේක බඩ පිරෙන බීමක්.

මේ ඇරෙන්න තව දැනගෙන හිටියට වැ‍රැද්දක් නැති දෙයක් තමයි එක එක විදියේ කෝපි වර්ග. ඒ කිව්වේ කෝපි ඇට වර්ග. මොකද මේ කෝපි ඇට වර්ග වල විදියටත්, ඒ කෝපි ඇට රෝස්ට් කරන විදියටත්, අන්තිමට එන්නේ එකම වර්ගෙක කෝපි ඇට ජාතියක කුඩුද, එහෙම නැතිනම් කුඩු කීපයක් මිශ්‍ර කරලා හදපු බ්ලෙන්ඩ් ප්‍රොඩක්ට් එකක්ද කියන එක මතත් කෝපි කෝප්පේ රහ වෙනස් වෙනවා. කොහොමත් ලෝකේ ප්‍රධාන වශයෙන් තියෙන්නේ කොෆී රොබස්ටා (Coffee Robusta) සහ කොෆී ඇරබිකා (Coffee Arabica) කියන ජාති දෙක තමයි. එතනින් එහාට අප්‍රධාන කෝපි ඇට ජාති හැටහුටාමාරක් විතරම තියෙනවා. ඉතින් එච්චර දරුණුවට හිතන්නේ නැති කෙනෙක් නං උඩ කිව්ව කෝපි

 

9. ගෙදර කෝපි
 Know Your Coffee
Source – tripadvisor.com

ගෙදර කෝපි හදන හැටි අමුතුවෙන් කියලා දෙන්න ඕනෙද? හැමෝටම ඕන නෑ. හැබැයි ඉතින් කෝපි එකක් තියා තේ එකක්වත් හරියට හදාගන්න බැරි කෙල්ලොන්ට කොල්ලොන්ට මේවත් කියල දෙන්න වෙනවනේ අම්මපා!

සාමාන්‍යයෙන් නං උතුරවා ගත්තු වතුරට කෝපි තේ හැඳි බාගයක් හරි එකක් හරි තමන්ට ඕන සාන්ද්‍රණය අනුව දාලා, සීනි හැඳි එකක්, දෙකක් හරි තුනක් තමන් සීනි බොන ප්‍රමාණය අනුව දාලා හදාගන්න තමයි තියෙන්නේ. මේකට පිටි හැඳි දෙකක් එකතු කළහම කිරිකෝපි. ඕන නං කන්ඩෙන්ස්ට් මිල්ක් දාන්නත් පුලුවන්. පාස්චරීකෘත කිරි දාන්නත් පුලුවන්. හොයාගන්න පුලුවන් නම් එළකිරි දාලම හැදුවහම සුපිරි කිරි කෝපි එකක් තමයි. සමහරු ඉන්නවා වැනිලා බිංදුවකුත් මේකට දානවා. සමහරු කුරුඳු කුඩු බිංදුවකුත් එකතු කරනවා. මේ ඕන දෙයක් කරලා හදාගන්න පුලුවන්. මේකම අයිස් කෝපි කරගන්නත් පුලුවන්. හැබැයි මේ විදියට නෙවෙයි හදන්නේ.

බිත්තර කෝපි ගැන අහල තියෙනවද? මේක වියට්නාමේ ප්‍රචලිත බීමක් වුනාට ඇඟට ශක්තිය දෙන කෝපි බීමක් විදියට ලංකාවේත් සීයලගේ කාලෙ ඉඳලම ප්‍රසිද්ධ වෙලා තිබිලා තියෙනවා. මේකට ගන්නේ කෝපි, සීනි, කිරි සහ බිත්තර කහමදය. ටිකක් බර කෝපි බීමක්.

එහෙම නැතිනම් සීනි නොදා තද කළුවට හදාගත්තු කෝපි එකට කුරුඳු කුඩු ඇබිංදක් එහෙම දාලා බොන්නත් පුලුවන්. හැබැයි ඒක සෙට් වෙන්නේ නියමම කෝපි ඩයල් එකකට තමයි. අනික් අයට පැණිරහ නැතුව කෝපි බොන්න බැහැනේ.

මීට අමතරවත් කෝපි වලින් කරගන්න වැඩ තව තියෙනවා.

 

 
Cover Image Source – wisegeek.com
 




Hela FM Media Network

Continue Reading
Click to comment

Leave a Reply

Your email address will not be published. Required fields are marked *

ආහාරපාන

කෑම හදන්න ආස අයට අනිවා ප්‍රයෝජනවත් වන Youtube Channel 5ක් – Hela FM Media

Published

on


 

කෑම හදන්න විදි ඩෙයටි. සමහරු වැරදි වැරදි හදාගන්නව, සමහරු අම්මලගෙන ඉගෙනන්නව, අනිත් ගොඩක් අය එක එක තැන්වල රෙසිපිවලින් ඉගෙන ගන්නව. ඒ අස්සට මේ වගේ යූ ටියුබ් චැනලුත් ප්‍රෙයා්ජනවත්. ඊටත් වඩා මේ චැනල් දිහා බලද්දි උයන්න ආසා හිතෙනවා. මේවයෙ අය ලොකු තොප්පි දාලා නැහැ. හදන හැන්දෙන්ම කාලා බලනව. හරිම සිම්පල්. ඒවගේම මේවයෙ පොඩි පොඩි කුකින් ටිප්ස් තියෙනවා. ඒ කුකින් ටිප්ස් එක්ක ඔබේ කෑම තවත් රසවෙයි. ආහ් ඒ වගේම මේ හදන ගොඩක් කෑම යුරෝපීය දිවකට සෙට්වුනාට සිංහල දිවකට තව මිරිස් රස චුට්ටක් ඕන විත්තිය මතක තියාගන්න.

1. BBQ Pit Boys

බාබකියු වැඩේට නං මේ වීඩියෝ ටික බලන එක හොඳටම සෙට්. කොල්ලො සෙට් වෙද්දි නැගලම යන දෙයක් වෙච්ච බාබකියු පාරක් රස නැතිවෙන්නෙ පලපුරුද්ද මදි කම හින්ද කියල හිතෙනවනං මේ තමයි ඒකට හොඳම විසඳුම. මේ චැනල් බලල බාබකියු පාරක්, ස්ටේක එකක්, බර්ගර් එකක් ‍එක්ක සෙට් වෙන්න මස් වගේම මාළුවලට කැමති අයටත් බාබකියු පිට් බෝයිස් කියන්නෙ නියම චැනල් එකක්. ඔක්කොමටත් වඩා නිර්මාණශීලීව මේක කරලා තියෙන නිසාත්, ඒ කරල තියෙන දේ හැමෝටම තේරෙන නිසාත් මේ වැඩේ නැගල යයි. අනිවා ට්‍රයි කරල බලන්ඩ!

 

2. Nicko’s Kitchen

ලොකු කඩවල්වලින් ලොකු ගනං දීල බඩත් හරියට පිරෙන්නෙ නැතුව, මොනව දෙනවද කියල දන්නෙත් නැතුව, අතේ තියෙන හැම සතේම දීලා කාලා එනවට වඩා දෙයක් මෙතනිං අත්විඳින්න පුළුවන්. ඔය ලොකුයි කියන කෑම හදාගන්න විදිය මෙතන තියෙනවා. අනිවා එකේ අතරින් පතර යන කෑම ලෙසන්ස් වලදි වගේම ඔගොලොන්ට තේරෙන විදියට පහසුවෙන් කෑම උයන විදිය මේ යූ ටියුබ් චැනල් එකෙනුත් සෙට් කරගන්න පුළුවන්. කේක් ජාති වගේම වෙනස් වෙනස් විදියෙ විවිධ රසයෙ කෑම නිකෝගෙ කෑම කඩේ තියෙනව. ගිහිං බලන්න.

 

3. Tastemade

මෙය නොබැලූ දෑස් මක්කටෙයි කියල තමයි අහන්න තියෙන්නෙ. ටේස්ට් මේඩ් කියන්නෙ ලෝකෙ ප්‍රසිද්ධම කුකින් චැනල් එකක්. ෆේස්බුක් එකෙත් වැඩියෙන් ෂෙයා වෙන මේ කෑම වැඩියෙන්ම ප්‍රසිද්ධ වෙන්නෙ මේක මේගොල්ලො ඉදිරිපත් කරන ලස්සන විදිය නිසාමයි. ඒ ලස්සනත් එක්ක බලද්දි කෑම හදනවටත් වඩා බලාගෙන ඉන්නයි හිතෙන්නෙ. හැමදාම කන කෑම ජාතිවල වෙනස් විදි වගේම, ඒ දේවල් ලාංකික අපිට හරියන විදියට කට දැවිල්ලට හැදෙන නිසාත් ටේස්ට්මේඩ් නැගලම යනවා. උදාහරනෙකට මේ පීසා ඩිප් එක හදන විදිය බලන්න.

 

4. Jamie Oliver

ටීඑල්සී වගේම වෙනිං ලෙෂර් චැනල්ස් බලන අයට ජේමි ඔලිවර් කියන්නෙ නුපුරුදු කෙනෙක් නෙමෙයි. ඒ වගේම අපේ පර්පරාවෙ ගොඩක් ගෑනු ළමයි ජේමි ඔලිවර්ට පෙම් කරනවා වගේම ඒ වගේ පිරිමියෙක් හොයන්නත් හීන මවං ඉන්නවා. ඒ ජේමිගේ කුකින් ටැලන්ට් එක සහ එයා ඒක කියල දෙන විදිය නිසයි. ජේමිගේ කුකින් වැඩ වල කෑලි ගොඩක් තියෙනවා. එක, එයා ඒ ඒ කල්චර්වලට හරියන්න හදනවා. දෙක, අඩු වෙලාවකින් උයන්න කියලා දෙනවා. තුන, වියදං අඩුවෙන් උයන්න කියලා දෙනවා. හතර, ඉතුරු වෙච්ච කෑම වලින් උයන්න කියලා දෙනවා. පහ, උයන්න ඕන කරන කවුරුත් නොදන්න මූලිකම ටිප්ස් හරි ලේසියෙන් ඔලුවට දානවා. ඒ වගේම ජේමි ඒ කෑම හදලා ඉවරවෙලා කන විදිය දැක්කම උයන්නම හිතෙනවා.

 

5. VahChef

මේ සෙට් එකෙන් ලංකාවට ලඟම යූටියුබ් කෑඹ චැනල් එක තමයි මේ. කරන්නෙ සුපිරි ඉන්දියන් පොරක්. රා දාලා හදන චිකන් කරියක් වගේ අපිටම හුරු පට්ට කෑම සෙට් එකක් පොර ගාව තියෙනව. මේක කරන විදියත් මරු කොමික්. ඊටත් වඩා මෙතන වෙජිටේරියන් අයටත් කෑම හොයා ගන්න පුළුවන්. මෙයාගෙ බටර් චිකන්, කරපිංචා චට්නි, සියඹලා බත් එක දැකපු කෙනෙක් ඒවා හදන්න ට්‍රයි නොකර ඉන්නෙ නං නැහැ.

 




Hela FM Media Network

Continue Reading

ආහාරපාන

කේක්, පෑන්කේක් ++! සමපෝශ / ත්‍රිපෝශ යොදා පවුලට හදන්න නියම ට්‍රීට්ස් 5ක් – Hela FM Media

Published

on


 

ත්‍රිපෝශ සහ සමපෝශ කියන්නෙ පෝශණ ගුණයෙන් ඉහල කුඩා දරුවන්ට වගෙම වැඩිහිටි අයටත් සුදුසු ආහාරයක්. හැබැයි අග්ගලා හදලා හෝ සීරියල් එකක් විදියට එහෙමත් නැත්නම් කැඳ එකක් විදියට මිසක් මේ දේවල් වලින් වෙන හදන්න කෑමක් ගොඩක් අය දන්නෙ නෑ.

ඒත් මේ ගුණදායී පිටි වර්ගයෙන් වෙනස් රසවත් කෑම ජාති කීපයක් හදාගන්න පුළුවන්.

 

1. Samaposha Coconut Cookies – ගේමක් නෑ
Source – tin-sport.si
Source – tin-sport.si

අවශ්‍ය ද්‍රව්‍ය:

  1. සමපෝශ හෝ ත්‍රිපෝශ කප් 2
  2. සීනි කප් 2 1/2
  3. බටර් කප් 3/4
  4. බිත්තර 2
  5. වැනිලා ටිකක්
  6. පාන් පිටි කප් 2
  7. බේකින් සෝඩා තේ හැන්දක්
  8. බේකින් පව්ඩර් තේ හැඳි 1/2
  9. පොල් කප් 1
  10. ලුණු ස්වල්පයක්

 

  • බටර් මෘදු වනතෙක් එලියෙන් තබා එයට සීනි එක් කර ක්‍රීම් වන තෙක් බීට් කරගන්න. බිත්තර එකින් එක එක් කරමින් නැවත බීට් කරන්න.
  • පිටිවලට බේකින් පව්ඩර් සහ සෝඩා සමඟ ලුණු එක් කර වරක් හලාගන්න. එයට පොල් එකතු කර බිත්තර මිශ්‍රනයට දමා හොඳින් අනාගන්න.
  • හොඳින් බටර් ගා තෙල් කඩදාසියක් දාගත් තැටියක කුකීස් සාදා තබා සෙල්සියස් 180ට කලින් රත් කරගත් උඳුනක දමා විනාඩි 8-9ක් හෝ රන්වන් පාට වන තුරු බේක් කරගන්න.

 

2. Samaposha Pancakes – ගේමක් නෑ
Source – otvetin.ru
Source – otvetin.ru

අවශ්‍ය ද්‍රව්‍ය:

  1. බිත්තර 2
  2. සමපෝශ හෝ ත්‍රිපෝශ කප් 1
  3. පාන් පිටි කප් 1/2
  4. බේකින් පව්ඩර් තේ හැඳි 1 1/2
  5. දියකරගත් බටර් මේස හැන්දක්
  6. ලුණු චුට්ටක්
  7. යෝගට් කප් 1/2
  8. සීනි මේස හැන්දක්

 

  • බටර්, බිත්තර, යෝගට් සහ සීනි හොඳින් බීට් කරගන්න.
  • පිටි, සමපෝශ,  බේකින් පව්ඩර් සහ ලුණු එකට මිශ්‍ර කර එයට බිත්තර මිශ්‍රනය එක් කර හොඳින් කලවම් කර බැටරයක් සාදාගන්න.
  • නොන්ස්ටික් තැටියක මේ මිශ්‍රනය තරමක් මහතට සිටින සේ දමා උඩ බුබුළු නැගෙන විට අනෙක් පස දමා දෙපැත්ත පුළුස්සා ගන්න.
  • මේපල් සිරප් හෝ මී පැණි සමඟ උදෑසන ආහාරයකට වඩා සුදුසුයි.

 

3. Spicy  Samaposha “Meatballs” Curry – පොඩි මහන්සියක්
Source – mind-over-batter.com
Source – mind-over-batter.com

අවශ්‍ය ද්‍රව්‍ය:

සමපෝශ ගුලි සඳහා

  1. සමපෝශ හෝ ත්‍රිපෝශ කප් 1/2
  2. පාන් පිටි මේස හැන්දක්
  3. චොප් කරගත් ලූනු
  4. චොප් කරගත් අමු මිරිස්
  5. කහ, මිරිස් කුඩු චුට්ටක්
  6. ලුණු

 

කරි එක සඳහා

  1. මිටි කිරි කප් 1
  2. අබ ඇට ටිකක්
  3. රම්පෙ, කරපිංචා
  4. කපාගත් ලූනු, සුදු ලූනු
  5. බැදපු පහේ
  6. ලුණු

 

  • සමපෝශ බෝල සඳහා දී ඇති සියළුම දේ එකට එක් කර වතුර ස්වල්පයක් දමා බෝල සාදාගන්න.
  • එම බෝල ටික ගැඹුරු තෙලේ බැදගෙන පසෙකින් තියාගන්න.
  • තෙල් ටිකක් රත් වෙන්න තබා එයට මිටි කිරි හැර කරියට අවශ්‍ය අනෙක් සියල්ල දමා තෙම්පරාදු කර එයට මිටි කිරි දමා උතුරුවා ගෙන බැදගත් සමපෝශ බෝල ටික එක් කර මිශ්‍ර කර මද වේලාවක් අඩු ගින්දරේ ලිප තබා ගන්න.

 

4. Samaposha Cake – පොඩි මහන්සියක්
Source – youtube.com
Source – youtube.com

අවශ්‍ය ද්‍රව්‍ය:

  1. සමපෝශ හෝ ත්‍රිපෝශ කප් 1
  2. පාන් පිටි කප් 1/2
  3. බිත්තර 2
  4. බටර් කප් 1/2
  5. සීනි කප් 1
  6. වැනිලා
  7. කිරි කප් 3/4
  8. බේකින් පව්ඩර් තේ හැඳි 1 1/2
  9. බේකින් සෝඩා තේ හැඳි 1/2

 

  • පිටි වර්ග දෙක, බේකින් සෝඩා සහ පව්ඩර් සමඟ එකට තුන් වරක් හලාගන්න.
  • බටර් සහ සීනි එකට බීට් කර එයට බිත්තර එක් කර බීට් කරගන්න. කිරි සහ වැනිලා එක් කරන්න.
  • බිත්තර මිශ්‍රනයට පිටි ටිකෙන් ටික එක් කර හැන්දකින් පෙරලමින් මිශ්‍ර කරගන්න.
  • හොඳින් බටර් තවරා තෙල් කඩදාසියක් දමාගත් තැටියක දමා සෙල්සියස් 180ට පෙර රත් කරගත් අවන් එකක දමා විනාඩි 30ත් 40ත් අතර කාලයක් බේක් කරගන්න.

 

5. Samaposha Spicy Snack – ගේමක් නෑ
Source – mccainfoodservice.com.au
Source – mccainfoodservice.com.au

අවශ්‍ය ද්‍රව්‍ය:

සමපෝශ ගුලි සඳහා

  1. සමපෝශ හෝ ත්‍රිපෝශ කප් 1
  2. චොප් කරගත් ලූනු
  3. චොප් කරගත් අමු මිරිස්
  4. අබ ඇට ටිකක්
  5. ලුණු
  6. කහ ටිකක්
  7. පොල් කිරි ටිකක්
  8. කෑලි මිරිස් ටිකක්
  9. ගාගත් පොල් මේස හැඳි 3

 

බැටර් එක සඳහා

  1. පාන් පිටි කප් 1/2
  2. කහ චුට්ටක්
  3. ලුණු
  4. වතුර

 

  • තෙල් ටිකක් ලිප තබා සමපෝශ සහ පොල් කිරි හැර අනෙක් සියල්ල එක් කර තෙම්පරාදු කරගන්න.
  • එයට සමපෝශ එක් කර මිශ්‍ර කර බෝල සාදාගත හැකි පදමට කිරි එක් කරගන්න.
  • බැටර් එකට අවශ්‍ය සියල්ල මිශ්‍ර කර බැටර් එකක් සාදා කලින් සාදා ගත් බෝල බැටර් එකේ දවටා ගැඹුරු තෙලේ බැදගන්න. හවස තේ වේලකට අපූරුයි.

 




Hela FM Media Network

Continue Reading

ආහාරපාන

Easy Cheesy කෑම රෙසිපි 5ක් – Hela FM Media

Published

on


 

චීස් කන්න කවුද කැමති නැත්තෙ? ලොකු පොඩි අපි කවුරුත් චීස් වලට කැමති නිසාම අනිවා අපි චීස් වලින් හදන්න පුළුවන් Easy Cheesy Snacks ටිකක් ඔයාලට අරන් එන්න හිතුව. බලන්න මේව හදන්න කොච්චර ලේසිද කියල.

 

1. Mozzarella Sticks
Source – fifteenspatulas.com
Source – fifteenspatulas.com

අවශ්‍ය ද්‍රව්‍ය:

  1. මහතට දිගට කපා ගත් මොට්සරෙලා චීස්
  2. බීට් කරගත් බිත්තරයක්
  3. පාන් කුඩු
  4. පාන් පිටි කප් 2/3
  5. කෝන් ෆ්ලා 1/3
  6. ලුණු
  7. සුදුලූනු පව්ඩර් (කැමතිනම්)
  • පිටි වර්ග දෙක මිශ්‍ර කරගන්න. වෙනම බඳුනක සුදු ලූනු පව්ඩර් සහ ලුණු පාන් කුඩු වලට මිශ්‍ර කර පසෙකින් තබන්න.
  • මොසරැල්ල ස්ටික්ස් ගෙන පිටි මිශ්‍රණයේ දවටා ගසාගත් බිත්තරයේ තවරන්න.
  • පාන් කුඩු මිශ්‍රණයේ දවටා ගැඹුරු තෙලේ තප්පර 30ක් පමණ බැදගන්න.

 

2. Cheesy Sausages Balls
Source – pillsbury.com
Source – pillsbury.com

අවශ්‍ය ද්‍රව්‍ය:

  1. කිරි කප් 1/4
  2. ගා ගත් මොට්සරෙලා චීස් කප් 1/4
  3. කුඩාවට කපා ගත් චෙඩාර් චීස් කප් 3
  4. පොඩි කරගත් සොසේජස් කප් 4  (සොසේජස් වෙනුවට තම්බා පොඩි කරගත් මස් ගන්නත් පුළුවන්)
  5. සිහින්ව කපා ගත් පාස්ලි ටිකක්
  6. පාන් පිටි කප් 1
  7. බේකින් පව්ඩර් තේ හැඳි 1/2
  • සෙල්සියස් 180ට අවන් එක රත් වෙන්න තබා බේකින් ට්‍රේ එකකට හොඳින් තෙල් හෝ බටර් තවරා ගන්න.
  • පාන් පිටි වලට බේකින් පව්ඩර් එක් කර තෙවරක් හලාගන්න.
  • සියළුම දේ හොඳින් මිශ්‍ර කර කුඩා බෝල සාදා බේකින් ට්‍රේ එක මත තබා විනාඩි 20ක් හෝ රන්වන් පැහැ වන තුරු උඳුනේ බේක් කරගන්න.

 

3. Mac & Cheese Cups
Source – whiskandheels.com
Source – whiskandheels.com

අවශ්‍ය ද්‍රව්‍ය:

  1. තම්බා ගත් මැකරෝනි කප් 6
  2. ගා ගත් මොට්සරෙලා චීස් කප් 2 (අමතරව උඩින් ඉස ගැනීමට ටිකක් අවශ්‍යයි)
  3. කිරි කප් 1
  4. හැපී කව් චීස් වෙජස් 4
  5. තම්බා පොඩි කරගත් මස්
  6. ගම්මිරිස් කුඩු
  7. චොප් කරගත් මාළු මිරිස් සහ ලූනු
  8. බැද ගෙන කුඩාවට කඩා ගත් බේකන් (කැමති නම් චිකන් බේකන් ගන්න පුළුවන්)
  • මැකරෝනි වලට මොට්සරෙලා එක් කර හොඳින් මිශ්‍ර කර බටර් තවරා ගත් මෆින් ට්‍රේ එකක මැද ඉඩ හිටින ලෙස අතුරා ගන්න (කප් එකක් ආකාරයට.)
  • චීස් වෙජස් සහ කිරි බ්ලෙන්ඩ් කර ක්‍රීම් එකක් සාදා පසෙකින් තබා ගන්න. අනෙක් සියල්ල එකට මිශ්‍ර කර සාදා ගත් මැකරෝනි කප් වලට පුරවා චීස් මිශ්‍රණය උඩින් වත් කරන්න.
  • එයට මොට්සරෙලා චීස් ඉස සෙල්සියස් 180ට පෙර රත් කරගත් අවන් එකක දමා විනාඩි 15ක් බේක් කරගන්න.

 

4. Easy Cheesy Potato Kieves
Source – hafafoods.com
Source – hafafoods.com

අවශ්‍ය ද්‍රව්‍ය:

  1. තම්බා පොඩි කරගත් අල
  2. සිහින්ව කපා ගත් පාස්ලි කොල
  3. චීස් වෙජස්
  4. බිත්තරයක්
  5. ලුණු
  6. ගම්මිරිස් කුඩු
  7. පාන් කුඩු
  8. සුදු ලූනු පව්ඩර් (කැමති නම්)
  • පොඩි කරගත් අල වලට ලුණු එක් කර මිශ්‍ර කරගන්න.
  • චීස් වෙජස් ටික හොඳින් පොඩි කර එයට සුදු ලූනු පව්ඩර් සහ පාස්ලි එක් කරගන්න.
  • අල ටිකක් අතට ගෙන එය පැතලි කර චීස් මිශ්‍රණයෙන් ටිකක් මැදට තබා හොඳින් ආවරණය වෙන පරිදි බෝලයක් සාදා ගන්න. (මෙය හොඳින් අතින් තද කර බෝල කර ගත යුතුයි. නැත්නම් බැදීමේදී කැඩී යන්න පුළුවන්)
  • බිත්තරය තරමක් ගසා ගෙන සාදා ගත් අල බෝල බිත්තර වල තවරා පාන් කුඩු වල තවරා ගැඹුරු තෙලේ බැදගන්න.

 

5. Cheesy Bread Cups
Source – nomsaurus.com
Source – nomsaurus.com

අවශ්‍ය ද්‍රව්‍ය:

  1. පාන් පෙති කීපයක්
  2. ගා ගත් මොට්සරෙලා චීස්
  3. බිත්තර 2
  4. චීස් වෙජස් 4
  5. කිරි කප් 1/2
  6. තම්බා කුඩා කොටු කපාගත් අල
  7. බැද කැබලි කඩාගත් බේකන්
  8. චොප් කරගත් ලූනු
  9. ගම්මිරිස් කුඩු
  10. සිහින්ව කපාගත් පාස්ලි
  • කිරි කප් 1/4 සහ බිත්තර හොඳින් ගසා ගෙන පාන් කැබලි කඩා බිත්තර මිශ්‍රණයේ පොඟවා බටර් ගා ගත් මෆින් ට්‍රේ එකක කප් ආකාරයට සිටින්න අතුරා ගන්න.
  • ඉතිරි කිරි කප් 1/4 සහ චීස් වෙජස් බ්ලෙන්ඩ් කර ගෙන මොට්සරෙලා චීස් හැර අනෙක් සියල්ල එයට මිශ්‍ර කර සාදාගත් පාන් කප් වලට පුරවන්න.
  • මොට්සරෙලා චීස් උඩින් ඉස සෙල්සියස් 160ට පෙර රත් කරගත් උඳුනක විනාඩි 20- 25ක් බේක් කරගන්න.

 

 

 




Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd