Connect with us

ආදරය හා සබදතා

පොඩ්ඩෝ ඔවුන්ගේ අහිංසක සිහින වර්ණවත්ව මවන්නේ මෙහෙමයි – Hela FM Media

Published

on


මෙයට අනුග්‍රහය:

971259_458716424213749_1432806369_n

 

 

 

දරුවන් හරි වෙනස්. ජිවත් වෙන සමාජය ඇතුලේ අනාගතය ගැන සුභ බලාපොරොත්තු දල්වන්නට දරුවන්ට පුළුවන්. ඒ ඔවුන් අනාගතය ගැන තමා සම්බන්ධයෙන් මවනා සිහින වල ශක්තියෙන්. අනාගතයේ තමන් ඉංජිනේරුවෙක්, ගුවන් නියමුවෙක්, ගුරුවරියක්, වෛද්‍යවරියක්, සමහර විටෙක ලෝකය ම සිනා ගස්සවන නළුවෙක්  වෙන්නටත් ඔබේ දරුවාට බලාපොරොත්තුවක් ඇති.

 

1. අපිත් සිහින දැක්කද?

Paint Dreams 4ඇයි නැත්තේ? අපි ඕනෑ තරම් අනාගතය ගැන සිහින දරන්නට ඇති. වෙනසකට තියෙන්නේ අපි කාලයක් යනකොට වයසත් එක්කම වැඩෙනකොට අපිට ඒ සිහින අමතක වෙනවා. හොඳට හිතලා බලන්න ඔබ ආදරය කල එහෙත් තවමත් සැබෑ කරගන්නට බැරි වුනු සිහින කොතරම් තියෙනවා ඇතිද? ඇයි අපිට ඒ සිහින සැබෑ කරගන්න බැරි වුනේ?

බොහොම ගොඩාක් හේතු තියෙනවා. අපි කුඩා කාලයේ අපේ බලාපොරොත්තු හරිම අහිංසකයි. බොහෝ විට “මම මේ දේ අයිති කරගන්නවා, මම මේක අර කෙනාගෙන් ගන්නවා, ඔවුන් මට මෙහෙම සලකන්න උවමනායි” වගේ තමාව කේන්ද්‍ර කරගෙන ගොඩ නගන සිතිවිලි පොඩි දරුවන් තුල ගොඩ නැගෙනවා අඩුයි. අන්න ඒ නිසයි අද දරුවන්ගෙනුත් අනාගත සිහින ගැන ඇහුවම ගොඩක් දුරට, “මට ආසයි ගායිකාවක් වෙන්න, මගේ ගීත වලින් ලෝකය ලස්සන තැනක් කරන්න.” එහෙමත් නැතිනම් “මට ආසයි වෛද්‍යවරියක් වෙන්න, දුකට පත් වෙලා ඉන්න රෝගීන්ව සුවපත් කරන්න.” මෙන්න මෙහෙම දේවල් පවසන්නේ.

දරුවන් බොහොම සුන්දර පිරිසක්. කාලයක් යනකොට සමාජය විසින් ඔවුන් වෙත ආත්මාර්ථය නමැති රෝගය බෝ කරනවා. මෙතැනයි දෙමාපියන්ගේ මග පෙන්වීම එක විය යුත්තේ.

 

2. මග පෙන්වීමේ සීමාවක්?

Paint Dreams 2සමහර දෙමාපියන් තමන්ට දිනා ගන්න බැරිවුනු සිහින දරුවන් හරහා දකින්නට උත්සහ කරනවා. විටෙක එය හොඳ දෙයක් වුනත් තවත් විටෙක එය දරුවාට බොහොම හානි දායක වෙන්නට පුළුවන්. තමන් අකමැති දෙයක් කරන්න ගිහින් දරුවා තමන්ගේ හීන සහ තම දෙමාපියන්ගේ සිහින අතර අතරමං වෙන්නට පුළුවන්.

 

3. එහෙනම් මොකද කරන්න ඕනේ?

Paint Dreams 3හරිම සරලයි.

දරුවන්ගේ සිහිනයට හවුල් වෙන්න. ඔවුන්ට තමන්ගේ අනාගත සිහිනය තමන්ගේ සිතුවිලි අනුව තනාගන්නට උදව් දෙන්න. මොකද දරුවන් ට මුලදී ඔවුන් දකින බලාපොරොත්තුව මොන වගේද කියලා අදහසක් නැති වෙන්න පුළුවන්. එහෙනම් වැඩිහිටියන් විදිහට අපිට තියෙන්නේ ඔවුන්ගේ සිහිනය අපි අඳින්නේ නැතුව, ඔවුන් දැකපු සිහිනය පාට කරන්නට උදව් දෙන එකයි.

මේ උදව් ඔබට වචනයෙන් වෙන්න පුළුවන්, දිරිමත් කිරීම් වලින් වෙන්න පුළුවන්, එහෙමත් නැතිනම්, ඔවුන්ගේ සිහිනයට යන මාර්ගය ශක්තිමත් කිරීමෙන් වෙන්න පුළුවන්. මේ මොන විදිහෙන් කලත් ඔබ කරන්නේ ඔවුන්ගේ සිහිනය වෙත යාමට ශක්තියක් වෙන එකයි.

නිකමට හිතන්න. ඔබේ සිඟිති පුතාට උවමනා කරනවා ක්‍රිකට් තරුවක් වෙලා ලංකාවට කීර්තියක් අත්පත් කරදෙන්න. එහෙනම් ඔබ කුමක්ද කරන්න ඕනේ? ඔබ ඔහුගේ ක්‍රීඩා ශීලි බව නංවන්නට, වැඩි දියුණු කරන්නට ඔබට කරන්න හැකි යම් දෙයක් තියෙනවා නම් අන්න ඒ දේ ඔබේ දරුවා සතුටින් භාර ගන්නා බවට කිසිම සැකයක් නැහැ.

 


එයින් අපට?
Paint Dreams 1
පෙට්ටියකට කොටු වූයේ නම්, එයත් පාට ගන්වන්න

මෙලෙසට දරුවෙකුගේ ලස්සන සිහින ලෝකයේ සක්මන් කරද්දී අපේම මැකී ගිය අහිංසක ළදරු  ප්‍රාර්ථනා සමඟ නැවත හමු වී, එයින් අපේ අද දවස නැවත ලස්සන කල හැකියි නේද?


පසුගියදා යුනිලීවර් ආයතනයේ ඇස්ට්‍රා සමාගමේ සේවයෙහි නියුතු නිලධාරීන් ගේ සහ ඔවුන්ගේ දරුවන්ගේ එකමුතුවෙන් අපූරු ඉසව්වක් පැවැත්වුණා. ඒ දරුවන් ගේ අනාගත සිහින චිත්‍රවලට නැගිමේ ඉසව්වක්.  දෙමාපියන්ටත් දරුවන්ටත්  බොහොම සුන්දර අත් දැකීමක් වූ මේ අවස්ථාව ඔවුන් බොහොම සතුටින් ගතකරන්නට යෙදුනා.


ළමයින්ගේ සිහින හරි වෙනස්. එයාලගෙ සිහින සාමූහිකයි – ආත්මාර්ථකාමී නැහැ. මේ සිහින සැබෑ කරල ලංකාව තව තවත් ලස්සන කරමු.

මේ ගැන අපි කාටත් මතක් කරලා තෑගී දිනාගන්න චාන්ස් එහෙකුත් ඇස්ට්‍රා වෙතින් දෙනවලු. ළමයින්ගේ ඒවගේ සිහින හොයාගෙන යන්න හිස් ඇස්ට්‍රා ටබ් එකක් නිර්මාණය කරලා. ඔබේ දරුවාගේ සිහින හිස් ඇස්ට්‍රා ටබ් එකේ රූපයට නගන්න කියන්න. සිහිනෙන් වර්ණවත් කල ඒ ටබ් එක ඇස්ට්‍රා වෙත තැ. පෙ. අංක 821, කොළඹ ලිපිනයට යවන්න.

මේ වීඩියෝවත් බලල වැඩි විස්තර ඇස්ට්‍රා Facebook Page එකෙන් ගන්න අමතක කරන්න එපා.


 




Hela FM Media Network

Continue Reading
Click to comment

Leave a Reply

Your email address will not be published. Required fields are marked *

ආදරය හා සබදතා

ගිෆ්ට් ගයිඩ් (ඔහුට) – පෙම්වතුන්ගේ දිනයට අතේ ඇති මුදලට ඔබේ ආදරවන්තයාට ගන්න කියාපු තෑගි – Hela FM Media

Published

on


 

පෙම්වතුන්ගේ දිනය අත ළඟම. අපේ අනිවා බලන හිතවතියන්ට තමන්ගේ පෙම්වතාට තෑගි දෙන්න පුංචි පුංචි අදහස් ටිකක් දෙන්න අපි හිතුවා. අතේ ඇති මුදලට වටිනාකමක් ඇති මතක හිටින දෙයක් දෙන්න තමයි අපි කොහොමත් කැමති නේද? බලන්න මේ දේවල් වලින් තෑග්ගකට ඔයාලටත් අදහසක් ගන්න පුළුවන්ද කියලා.

 

Rs. 1000-

 

1. පර්ස් එකක් – රු. 825/-

අඩු මුදලකට මේ තෑග්ග ලොකු වටිනාකමක් ගෙනදෙනවා. පර්ස් එකක් කියන්නේ පිරිමි කෙනෙකුට නැතුවම බැරි දෙයක්නේ. ඔයාලා දෙන්නගෙ පින්තූරෙකුත් දාලා දුන්නොත් පර්ස් එක දකින හැම වෙලාවකම ඔයාව මතක් වෙන්න මේ වගේ තෑග්ගක් අපූරුයි. පහත High life ලින්ක් එකට ගියානම් මේක තෑග්ගක් හැටියට ලස්සනට රැප් කරලම මිලදී ගන්නත් පුළුවන්. මේ පර්ස් එක රුපියල් 825ක් පමණයි

Wallet

Button

highlife-logo

 

 

2. ටයිපටියක් ඇතුළත් Gift Box එකක් – රු. 990/-

ඔබේ පෙම්වතා රැකියාවක් සොයනවාද? නැත්නම් රැකියාවකට යනවාද? කොහොම උනත් මේ තෑග්ග ඔහුට සුදුසුයි. ටයි පටියක් සහ එයටම ගැලපෙන කෆ් ලින්ක්ස් දෙකකුත් ලේන්සුවකුත් මේ ලස්සන තෑගි පෙට්ටියේ ඇතුලත්. අලංකාර පෙට්ටියකම එන නිසා ලස්සනට තෑගි කරන්න අපූරුයි. රුපියල් 990කට ඔබට මේක මිලදී ගන්න පුළුවන්. වැඩි විස්තර පහත Odel ලින්ක් එකෙන් දැනගන්න.
TieButton

odel-logo

 

 

3. Tie Pin එකක් – රු.  950/-

රැකියාවට යන ඔබේ පෙම්වතාට මේ වගේ තෑග්ගක් ගැලපෙනවද බලන්න. රු.950ක මුදලකට Odel වෙතින් මේ ටයි පින් එක ඔබට මිලදී ගන්න පුළුවන්. වෙනත් මෝස්තර වල ටයි පිනුත් Odel එකේ මේ මිලටම තියෙනවා. ලස්සන box එකක එන නිසා තෑග්ගක් හැටියට මෙය වඩාත් සුදුසුයි.

4b347785fef14f1e97377a4ab6ff9654.image_.288x333

Button

odel-logo

 

 

Sold Out! විසිතුරු ලාම්පුවක්

විසිතුරු දේවල් වලට කැමති ඔබේ පෙම්වතාට වඩාත් ඔබින තෑග්ගක් මේ. එකක් තමයි මේ තෑග්ග. තරු පිරිච්ච අහසක් යට ඉන්නා වැනි හැඟීමක් එක්ක ඔයා ගැන ආදරෙන් හිතන්න ඔහුට මේ තෑග්ග නිසා පුළුවන් වේවි.රුපියල් 850ක මුදලකට මේ ලයිට් එක පහත Kaymu ලින්ක් එකෙන් ඔබට මිලදී ගන්න පුළුවන්.

Lamp GoneButton

kaymu-logo

 

 

Rs. 1000-3000

 

1. Sunglass එකක් – රු. 1,250/-

විලාසිතා ප්‍රිය ඔහුට මෙන්න මේ වගේ Sunglass එකක් තෑගි දෙන්න. පෙම්වතා ලස්සනට ඉන්න කොට කාටද ආඩම්බර ? Odel එකෙන් රුපියල් 1250කට ඔබට මේ Sunglass එක මිලදී ගන්න පුළුවන්.

SunglassesButton

odel-logo

 

 

2. Sports Jersey එකක්

ක්‍රීඩාවට ලැදි පෙම්වතෙක්ද ඉන්නෙ? එහෙම නම් ඔහුට තෑගි දෙන්න මෙන්න ගැලපෙනම දෙයක්. ඔහු කැමතිම ක්‍රීඩා කණ්ඩායමේ ටී ශර්ට් එකක්. බලන්න ඔහු කැමති කණ්ඩායමේ ටී ශර්ට් එක මේ Khazana පේජ් එකේ තියෙනවද කියලා. කලින් මුදල් ගෙවා නිවසටම ගෙන්වා ගැනීමේ හැකියාවත් තියෙන නිසා මේ තෑග්ග පෙම්වතාගේ ගෙදරටම යවලා ඔහුව පුදුමයට පත් කරන්නත් ඔබට පුළුවන්. කතා කරල බලන්න. ඔහුව පුදුමයට පත් කරන්න.

ShirtButton

khazana-logo

 

 

3. Laptop Bag එකක් හොඳයි නේද? – රු. 1,250/-

ඔහු Laptop එකක් පාවිච්චි කරනවද? එහෙනම් ඔබේ පෙම්වතාට මේ තෑග්ග ප්‍රයෝජනවත් වේවි. ඔහුට වඩා ප්‍රයෝජනවත් දෙයක් තෑගි දෙන එක හොඳයි කියලා සිතන ඔබට රුපියල් 1250කට මේ Laptop bag එක iPlaza වෙතින් මිලදී ගන්න පුළුවන්.

BagButton

iplaza-logo

 

 

Rs. 3000-7000

 

 

1. ගැජට් වලට කැමති ඔහුට Bluetooth speaker එකක් – රු. 3,400/-

අළුත් අළුත් ගැජට් වලට කැමති ඔබේ පෙම්වතා මේ තෑග්ගට නම් අකමැති වෙන එකක් නෑ. Mini Bluetooth Speaker එකක් මේ වැලන්ටයින් වලට ඔබෙන් තෑගි ලැබෙයි කියල ඔහු නොහිතන නිසාම ඔහුව පුදුම කරන්න මේ තෑග්ග ඉතා සුදුසුයි. iPlaza එකෙන් රුපියල් 3400කට ඔබට මේ එක මිලදී ගන්න පුළුවන්.පෙම්වතා කැමතිම දෙයක් දුන්නාමයි ඔහු වඩාත්ම පුදුමයට පත්වෙන්නෙ කියල අපේ අනිවා බලන හිතවතියන් නොදන්නවා වෙන්න බැහැ.

SpeakersButton

iplaza-logo

 

 

2. පාකර් පෑනක් – රු. 3,810/-

විසිතුරු දේවල් වලට අකමැති ඔහුව ඔබට දැනෙනා බව පෙන්වන්න සුදුසුම තෑග්ගක් මේ. නිකම්ම පෑනක් දෙනවට වඩා ඔහුගේ නම පෑනටම engrave කරලා දෙන්න පුළුවන්නම් තවත් හොඳයි නේද? එහෙම හිතන ඔබට Kapruka වෙතින් මේ සේවාව ලබා ගන්න පුළුවන්. වටිනාකමට සරිලන පෙනුමක් ගෙන දෙන මේ Paker පෑන ඔබට ඔබේ පෙම්වතාගේ නම සහිතව Kapruka web සයිට් එකෙන් රුපියල් 3810 කට මිලදී ගන්න පුළුවන්.

ParkerButton

kapruka-logo

 

 

3. Smart Watch එකක් – රු. 8,500/-

ඔබ පෙම්වතාගේ සෞඛ්‍ය ගැන හිතනවාද? මෙන්න එහෙනම් මේ ආදරවන්තයන්ගේ දිනයේදී ඔහුට දෙන්න ඔබ නොසිතූ තෑග්ගක්. ඔහු එදිනෙදා ඇවිදින දුර සහ වැයකර කැලරි ප්‍රමාණය ආදිය මැනගන්න පුළුවන් මේ Smart Watch එක වටිනාකමෙන් 42%ක් අඩුවට ඒ කියන්නේ 8500ක් වටිනා මේ watch එක රුපියල් 4900කට ඔබට Mydeal එකෙන් මිලදී ගන්න පුළුවන්.

WatchButton

mydeal-logo

 

 

Rs. 7000+

 

 

1. ගිටාරයක් – රු. 7,999/-

සංගීතයට ලැදි ඔහුව මේ වගේ දේකින් පුදුමයට පත් කරන්න. රුපියල් 7999 ක් වැනි මුදලකට මේ අපූරු Rockstar Classic ගිටාරය ඔබට Buy Abans වෙනිත් ඔන්ලයින් මිලදී ගන්න පුළුවන්. Guitar case එකකුත් නොමිලේම ලැබෙන බවයි ඔවුන් සඳහන් කරල තියෙන්නේ. වැඩි විස්තර පහත ලින්කුවෙන් ලබාගන්න.

GuitarButton

buyabans-logo

 

 

2. Sleeping Bag එකක් – රු. 9,625/-

ඔහු නිතර camping, hiking යන්න කැමතියි නම් මෙන්න මේ තෑග්ග ඔහුට දෙන්න. camping ගිහින් මේ sleeping bag එකේ නින්දට යන මොහොතක ඔබව ඔහුට ආදරෙන් මතක් වේවි. wow.lk වෙතින් රුපියල් 9625කට ඔබට මේ sleeping bag එක මිලදී ගන්න පුළුවන්.

Sleeping BagButton

wow-logo

 

 

3. Perfume එකක් – රු. 9,800/-

ඔහු කැමතිම සුවඳ හඳුනන ඔබට මෙන්න මේ වගේ තෑග්ගකින් ඔහුව පුදුමයට පත් කරන්නත් පුළුවන්. Mont Blanc වැනි සුවඳ විලවුන් වර්ගයක් ඔබට Exclusive Lines වෙතින් රුපියල් 9800ක් වැනි මුදලකට මිලදී ගන්න හැකියාව තියෙනවා. වෙනත් මිලගණන් වලට වෙනස් සුවඳ විලවුන් ගැන දැනගන්න පහත ලින්කුවට යන්න.

PerfumeButton

exclusivelines-logo

 

 




Hela FM Media Network

Continue Reading

ආදරය හා සබදතා

අළුත් අම්මෙක්ද? එහෙනම් මේ ටිප්ස් 7 ඔයාගෙ ජීවිතේ වඩාත් ලෙහෙසි කරාවි – Hela FM Media

Published

on


 

රෝස පාට පුංචි අතපය දිහා බලාගෙනම ඉන්න හිතෙනව නේද? තමන්ගේ කුසේ දස මාසයක් තිස්සෙ ඉඳලා මේ ලෝකෙට බිහි වෙච්ච දරු පැටිය දිහා කොච්චර බලන් හිටියත් අම්ම කෙනෙක්ගෙ හිතට මදි. බෝනික්කන්ට ටෙඩි බෙයාලට ආදරේ කරපු කාලෙ ගෙවිල ගිහින් ඔයා දැන් අම්මෙක් වෙලා. ඉතින් මේ සුන්දර මව් පදවියට අළුතෙන්ම මුහුණ දෙන අපේ අළුත් අම්මලාට වැදගත් වෙන පුංචි පුංචි දේවල් ටිකක් ගැන කියන්න අනිවා අපි හිතුවා. බලන්න මේ දේවල් වලින් ඔයාලට වැදගත් මොනවද කියල.

 

1. බබා කොයි වෙලෙත් නිදි, එක්කො අඬනවා
Source - mamalovejoy.com
Source – mamalovejoy.com

මුල් සති කීපයේ බබාගෙ වැඩේම නිදියන එක. බඩගිනි උනාම, මුත්‍රා කරන්න, මළපහ කරන්න ඕන උනාම මහ හයියෙන් අඬන එක තමා ලොකුම රාජකාරිය. සමහර වෙලාවට රස්නෙ වැඩි වෙලා දාඩිය දාන කොටත් බබා අඬනවා. මුල් සති කීපය පැය 3කට සැරයක්වත් කිරි දෙන්න ඕන. අඬන හැම වෙලේම කිරි පොවන්නේ නැතුව චුට්ටක් බලන්න බබා ඇයි අඬන්නේ කියල. ටික දවසක් යද්දි ඔයාට බබාගෙ පුරුදු ඉබේටම තේරෙයි.

 

2. පෙකණිය පරිස්සම් කරන්න
Source – digestground.com
Source – digestground.com

ටිකක් නුහුරුයි නේද. සමහර අළුත් අම්මල බයයි මේ ක්ලිප් එකක් ගහපු පෙකණියට. බබාව නාවල ඉවර වුනාම පෙකණි ප්‍රදේශය තෙතමාත්තු කරන්න. බබා මුත්‍රා කරාම ඒ අවට ගෑවිලා නම් තෙත රෙද්දකින් පිහිදල පිරිසිදු කරල වියළිව තබන්න. නැපි අන්දන කොට පෙකණිය වැහෙන්න අන්දන්න එපා. ඒ ප්‍රදේශය විවෘතව තබන්න.

 

3. කිරි වමනය ගියාට බය වෙන්න එපා
Source – dimplesmagazine.com
Source – dimplesmagazine.com

කිරි බිව්වට පස්සෙ බබාට කිරි වමනය යන එක සාමාන්‍ය දෙයක්. නිතර නිතර කිරි වමනය යන්නේ හරියට ගුඩුස් ගියෙ නැති වුනාම. කිරි බොන කොට ආමාශයේ එකතු වෙන වාතය පිට කරවන්න ඕනෙ. බබා කිරි බීපු හැටියෙ නිදි නම් කොට්ටයක් නැතුව හිස පැත්තකට හරවල නිදි කරවන්න. කිරි වමනෙ ගියත් බය වෙන්න ඕන නෑ. එහෙමත් නැත්නම් බබාව උරහිසට හේත්තු කරගෙන හිමීට පිට පිරිමදින්න.

 

4. පෝශණීය කෑම ගන්න
Source - youtube.com
Source – youtube.com

මුල් මාස කීපය බබා යැපෙන්නෙ ඔයාගෙ කිරි වලින්. ඉතින් ඔයාගෙ පෝශණය ඉතාම වැදගත්. කරවිල, කොස්, පොලොස් වගේ හොඳින් කිරි එරෙන ආහාර වර්ග කෑමට ගන්න. දොස්තර කෙනෙක්ගේ අනුමැතිය ඇතුව ඔයාගෙ ඌණතාවයන්ට සරිලන විටමින් වර්ග නොවරදවාම ලබාගන්න.

 

5. බබා ගැන වගේම තමන් ගැනත් හිතන්න
Source - financialprospect.com
Source – financialprospect.com

හුඟක් වෙලාවට දවල් දවසම හොඳට නිදාගන්න පුංචි පැටියා රෑ තිස්සෙම ඇහරගෙන කෑගහනවා. එහෙම වුනාම දවල් දවසත් ඇහැරන් ඉන්න ඔයාට මහන්සිය වැඩියි. ඒ නිසා දවල්ට බබා නිදියන කොට ඔයත් පැයක් දෙකක් නිදා ගන්න. බබා නිදි විවේකයේදි පොඩි වොශ් එකක් දාගන්න. පත්තරයක් කියවන්න. හැම වෙලේම සැහැල්ලු මානසිකත්වයකින් සහ පිරිසිදුව ඉන්න බලන්න. මොකද අම්මගේ මානසික තත්ත්වය සහ පිරිසිදුකම බබාටත් බලපානවා.

 

6. අමතර මල්ලක්
Source - fishki.net
Source – fishki.net

නිතරම බබාගෙ ගමන් මල්ලක් සූදානම්ව තියාගන්න. පැම්පස් දෙකක්, අලුත් නැපි සෙට් එකක්, පොඩි තුවායක් වගේ බබාට අවශ්‍යම දේවල් දාපු අමතර මල්ලක් වෙනම තියාගන්න. කලබලේට ගමන් යන කොට හැමදේම මතක් වෙන්නෙ නැති නිසා මේක ඔයාට ගොඩක් පහසු සහ වැදගත් දෙයක් වේවි.

 

7. නෑයෝ සහ යාළුවෝ
Source – when-life-gets-tough.tumblr.com
Source – when-life-gets-tough.tumblr.com

බබෙක් ඉපදුනාම නෑදෑයො යාළුවො බබා බලන්න එනවා ඉවරයක් නැතුව. ඒත් ඕනවට වඩා සෙනඟ බබා ලඟ ගැවසෙන එක ඒ තරම් හොඳ දෙයක් නෙවෙයි. විශේෂයෙන් බෝ වෙන රෝග පැතිරෙන කාලෙක කට්ටිය බබා බලන්න එන්න අහද්දි එන්න එපා කියන්නත් බැහැ අපේ රටේ හැටියට. එහෙම කට්ටිය එන්න අහන කොට කීප දෙනෙක්ට එකම දවසක එන්න කියන්න. එකපාර කට්ටියම බලල ගියාම බබාට සහ ඔයාට කරදරයක් නෑ. හැමදාම එක එක්කෙනා එන එක ඔයාලගෙ විවේකයට ඒ තරම් ගුණ නෑ. අළුත උපන් දරුවා සහ මව දෙන්නම ඉන්නේ වෙහෙසට පත් වෙලා. ඔයාලට විවේකය අවශ්‍යමයි.

New Dads

Sex Ed

Childhood Ease




Hela FM Media Network

Continue Reading

ආදරය හා සබදතා

මොන මගුලක්ද? මංගල යෝජනා තීරයේ හමුවන අමුතුම තාලෙ 9 දෙනෙක් – Hela FM Media

Published

on


 

ලංකාවේ ජීවත් වෙන සියලු දුසිරිත් වලින් තොර පිරිමිත්, පෙම්වතුන් නැති අතිශය සුරූපී තරුණියනුත් හම්බුවෙන්න තියන හොඳම තැන මොකක්ද කියල දන්නවද? ඒ තමයි පුවත්පත් වල මංගල යෝජනා තීරය.

කසාදයක් හොයන්න හරි, එහෙමත් නැත්නම් කම්මැලි කමට හරි මංගල යෝජනා තීර කියවල තියනවනම් ඔයාලටත් ඒකෙදි විවිධාකර අමුතු දැන්වීම් පලකරපු පුද්ගලයො හමුවෙලා ඇති. හමුවෙලා නැත්නම් අනිවා මේ ලිපිය කියවල ඒ අය ගැන දැනගන්න කියල ඔයාලට අපි ආරාධනා කරනව.

තව මේ වගේ කට්ටිය ගැන ඔයාල දන්නවනම් අපිට කමෙන්ටුවකින් ඒ ගැනත් දන්වන්න.

 

1. හැටපහ එන්ජිම තිහ බොඩිය
Source – wallpaperu3.blogspot.com
Source – wallpaperu3.blogspot.com

වයසට ගිහින් මහ ලොකු වරදක් කලා වගේ “වයස නොපෙනෙන” කියල දාන උදවිය තමයි මංගල යෝජනා තීරයෙ බහුතරයක් ඉන්නෙ. හතලිහ පණහ පැනලත් ලාබාලපෙනුම රැකගත් මේ අය අතරෙ වයස නොපෙනෙන හාස්කම තවත් එහාට ගෙනිච්ච තවත් කොට්ඨාසයක් ඉන්නව .

ඒ තමයි “වයස හැට පහකි එහෙත් තිහක පෙනුමැති” කට්ටිය.

මෙන්න මේ වගේ කතාවක් කියන අංකල්ලා ඇන්ටිල සෙට් එකක් හැම සතියෙම මේ තීරයෙදි අපිට හමුවෙනවා. හැටේදි තිහේ පෙනුමනම් තිහේදි ළදරු පෙනුමක් තිබුණ නිසා කසාදෙ පරක්කු උනා කියල තමයි අපිට හිතන්න වෙන්නෙ.

 

2. කවුද කවුද දැන් ලොක්කෝ?
Source – the-villager.co.uk, elcrema.com
Source – the-villager.co.uk, elcrema.com

මේ වර්ගයේ මංගල දැන්වීම් ඇත්තටම මගුලක් හොයන්නද? එහෙමත් නැත්නම් පවුලේ ලොකුකම් ප්‍රසිද්ධ කරන්න දාන ඒවද කියල හිතාගන්න අමාරුයි. මේ කියන විදිහෙ දැන්වීම් යන්නෙ මේ විදිහට.

“පියා සහ මව විශ්‍රාමික විදුහල්පතිවරුය, වැඩිමල් සොයුරා විදෙස් රටක වෛද්‍යවරයෙකු වශයෙන් සේවය කරයි, බාල සොයුරා ඉංජිනේරුවරයෙකි, නෑනා විධායක ශ්‍රේණියේ ඉහලම ධූරයක් හොබවයි, අගනුවර පිහිටි නිවස තට්ටු හතරකි, ගෙදර බල්ලා රොට්වෙයිලර් සුනඛයෙකි.”

මේ දැන්වීම් වල මනාලයා හෝ මනාලිය ගැන විස්තර හැරෙන්නට පවුලේ සියලු දෙනාගේ වෘත්තීය ජීවිතය (උපාධි නාමයන්ද සහිතව) සඳහන් කරනු ලබයි.

 

3. සද්ගුණවත් සාමෙල්
Source – thetravelphotographer.blogspot.com
Source – thetravelphotographer.blogspot.com

අපි හැඳින්වීමෙනුත් කිවුවනෙ ඔයාලට ලංකාවෙ දුසිරිතෙන් තොර පිරිමි වැඩිපුරම ඉන්නෙ මංගල දැන්වීම් පිටු අතරෙ කියල. මෙහෙම කිවුවට මේ අය බහුතරයක් “දුමින් මතින් තොරයි බියර් වලට බරයි” හෝ “ඉඳහිට පාටියකදි සෙට් වෙනව කියල කරටි කැඩෙන්න ගහන” උදවිය බව අපේ සමහර නෝනමහත්තුරු නම් දැනටමත් තේරුම් අරන් ඇති.

සද්ගුණවත් සාමෙලුත් මේ වගේ තමයි. හැබැයි මේ වගේ අය මීට අමතරව හතර පෝයට සිල් ගැනීම, දෙමවුපියන්ට සැලකීම වැනි ගුණාංගත් සඳහන් කරල තියනව. නිවන් මගේ ගැට්ටෙ ඉඳන් සසර දිගු කරගන්න සහකාරියො හොයන මේ වගේ උදවිය ඇත්තටම එහෙමද කියල ඉතින් බැඳලම තමයි බලන්න වෙන්නෙ.

 

4. ඕන එකක් ප්‍රීති වෙසක්
Source – freakingnews.com
Source – freakingnews.com

මේ තාලෙ දැන්වීම් දාන්නෙ හුඟක් වෙලාවට පිරිමි අය තමයි. තමන්ගේ වයස, රැකි රක්ෂා කටයුතු ආදිය සඳහන් කරල ඉවරවෙලා තමන් සොයන විදිහෙ මනාලිය ගැන විස්තර පල කරද්දි තමයි මේ අයගෙ විශේෂතාවය මතු වෙන්නෙ. එහෙම අය හොයන්නේ මේ විදිහෙ මනාලියන්. බලන්න දැන්කාලෙ හැටියට හොයාගන්න කොච්චර අමාරුද කියල?

“මාගේ වයසට ගැලපෙන (වසර කිහිපයක් වැඩි මහලු වුවද කම් නැත), අවිවාහක හෝ විවාහක (වැන්දඹු හෝ දරුවන් සිටින අයද කමක් නැත) ස්ත්‍රියක් භාර්යාව වශයෙන් සොයමි. දෑවැදි අවශ්‍ය නැත, වරදට සමාව”

 

5. බිස්නස් පාට්නර්
Source – macleans.ca
Source – macleans.ca

එක ගලෙන් කුරුල්ලො දෙන්නෙක්ම බාගන්න ඕනෙයි කියල හිතන මේ අය “ලයිෆ් පාට්නර්” එක්කම “බිස්නස් පාට්නර්” කෙනෙකුත් හොයාගන්න කියල හිතලා තමයි දැන්වීම් පල කරන්නෙ.

“මා සොයන්නේ දැනට කරගෙන යන ව්‍යාපාරය දියුණු කරගැනීමට සවියක් සැපයිය හැකි යුවතියකි.”

මේ කියන්නෙ අතේ පයේ හෝ හිතේ සවිය ගැන නෙමෙයි කියල ඉතින් අමුතුවෙන් කියන්න ඕනෙ නෑනෙ නේද?

 

6. හදවත මල් යායයි
Source – sendyourflower.com
Source – sendyourflower.com

මේ උදවියගෙ දැන්වීම් හරිම රොමෑන්ටික් ආකාරයට තමයි පළවෙන්නෙ. හුඟක් වෙලාවට තමන් විසින්ම තමන්ගේ සිහින සහකාරියට/ සහකරුට ආමන්ත්‍රණය කරන විලාසයකින් තමයි දැන්වීම ලියන්නෙ. මෙන්න මේ වගේ.

“ආදරයේ සුන්දරත්වය හඳුනන, විඩාබර සිතට සිහිල් පවන් රොදක් මුසුකරන, ජීවිතයේ වසන්තය අරුත්බර කරන්නට සෙනෙහෙබර යුවතියකට/කුමරෙකුට ලෙංගතුම ආරාධනා.”

 

7. ධන කුවේරයින්
Source – jezebel.com
Source – jezebel.com

නිතර දකින්න හම්බුවන මේ වර්ගයේ දැන්වීම් ගැනනම් හිතාගන්න අමාරුයි. මේ අය ගාව කෝටි ගණනක දේපල සහ ව්‍යාපාර තිබෙනවා. ඒ මදිවට විස්තර කරල තිබෙන විදිහට තරුණකමින් සහ රූප සම්පත්තියෙනුත් පිරිපුන් අය.

සමහර මනාලියන්ට දෑවැද්දට දෙන මුදල් සහ දේපළ දැක්කහම මනාලයන්ට අමතරව දේශීය ආදායම්බදු දෙපාර්තුමේන්තුවෙත් අවධානය යොමු වෙන්න ඉඩ තිබෙනවා කියල හිතෙනවා.

මේ අයගෙ ධනවත්කම් ගැන විස්තර කියවද්දි මෙහෙම දැන්වීම් පළකරල නිකම්ම හොරුන් වංචාකාරයින්ට ගෙදරට පාර කියනව නේද කියල හිතෙනව. අනිත් අතට හිතෙනව මෙච්චර මහා ධනස්කන්ධයක් සහ රූප සම්පත්තියක් තියන කොල්ලෙක්ට කෙල්ලෙක්ට කසාදයක් හොයන්න මෙච්චර අමාරු ඇයි කියලත්.

නිකමට එක දවසක මේ තීරයේ ප්‍රදර්ශනය කරල තිබෙන මිල මුදල්, යාන, වාහන,ගෙවල් දොරවල් කන්දරාව ගණන් හදල බලන්න. පිස්සු වගේ දැනෙන එකනම් අනිවා වලක්වන්න බෑ.

 

8. රට යන ඇත්තෝ
Source – people.com
Source – people.com

සමහරු ඉන්නව එයාලගෙ දැන්වීමෙ තියනවා “විවාහයෙන් පසු විදෙස්ගතවීමට යන” හෝ “විවාහයෙන් පසු විදෙස් රටක පදිංචියට කැමති” වගේ කොටසක්. හැබැයි ඉතින් මේ කියන විදෙස් රට මොකක්ද කියල සමහරු බඳිනකම් උනත් නොදැන ඉන්න ඉඩ තියනවා. මෙහෙම දැන්වීම් දාන සමහරු සැමියා, බිරිඳව දාල තනිවම රට යනවා. තවත් සමහරු “පැපුවා නිව්ගිනියාව” වගේ රටවලට කැන්දන් යනවා.

 

9. සුලු වැරදිකරුවන්
Source – lindseythorne.com
Source – lindseythorne.com

ජීවිතේ වැරදීම් කා අතිනුත් වෙනව. එහෙම කියල තමන් සමාජෙන් කොන්වලා හරි ඈත්වෙලා හරි ජීවත් විය යුතු වෙන්නෙ නෑ. ඒ අයටත් අනාගතයක් තිබෙනවා. හැබැයි ජීවිතේ වැරදුනා යැයි හිතන අය සමහරු ගැන විස්තර දැන්වීම් වලට පෙරළෙද්දි හිනාවක් යන එක වලක්වගන්න බෑ. එතැනදී හිනායන්නෙ ඒ අයගෙ ජීවිතවල අසරණකමට වඩා වචනවලින් ඉස්මතු වන හාස්‍යයටයි. මේ පහත දැක්වෙන්නේ එවැනි දැන්වීමක්.

“පාසැල් වියේ සිදුවූ සුලු වරදකින් දරුවෙක් සිටින…”

මේක බොහොම ජනප්‍රිය වූ මංගල දැන්වීමක කොටසක්. අන්තර්ජාලයේ හුඟක් Memes වලටත් යොදාගෙන තිබුණ මේ දැන්වීම බලපු අය අහල තිබ්බෙ පාසැල් වියේ සුලු වරදක් කිවුවෙ පන්තියෙදි හදපු ගාණක් වැරදිලාද කියලයි.

 




Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd