Connect with us

සෞඛ්‍ය ලිපි

කටට තිත්ත වුනත් කරවිල සෞඛ්‍යට රසවත් වන කරුණු 7ක් – Hela FM Media

Published

on


 

කරවිල කියන්නේ අපි එතරම් කන්නට කැමති කෑමක් නෙවෙයි. ඒ මේ එළවලුව සතු තිත්ත රස නිසා. එත් පෝෂණ ගුණයෙන් ගත්තම මේ එලවලුවට සම කරන්නට පුළුවන් වෙනත් එළවලුව නැති තරම්. රසය කෙසේ වෙතත් ගුණයෙන් අගතැන් කරවිල වලින් ලැබෙන ප්‍රතිලාභ ගැන ඔබ අනිවා දැනගත යුතුයි කියා සිතුවේ අන්න ඒ නිසයි.

 

1. දියවැඩියාවට සහ තරබාරුවට පිළියම් කරයි
Weight Loss
Source – onlyfoods.net, daystune.com, gossipcop.com

පර්යේෂණ වලින් කියවෙන ආකාරයට කරවිල වලින් දෙවන වර්ගයේ දියවැඩියාව පාලනය කරන්න පුළුවන් බව සොයාගෙන තිබෙනවා. ඊට අමතරව ශරීරයේ පවතින අනවශ්‍ය සීනි ප්‍රමාණයන් ඉවත් කර, සිරුරේ පරිවෘත්තීය ක්‍රියා නිසිපරිදි සිදු කිරීමටත් කරවිල වලින් සිද්ධ වෙන්නේ මහඟු මෙහෙයක්. මීට අමතරව අප ලබාගන්නා කාබෝහයිඩ්රේට සිරුරට උරාගන්නා සීනි සහ එහි අතිරික්තය නසා දමන්නට කරවිල සමත් වෙනවා. මේ හේතුව නිසාවෙන් සිරුර තුළ පිෂ්ඨය තැන්පත් වීමේන් ඇතිවිය හැකි තරබාරු තත්ත්වයන් කරවිල ආහාරයට එකතු කරගැනීම නිසා නැති කරගන්නට පුළුවන්.

 

2. වකුගඩුවේ ගල් ඉවත් කරයි
Kidneys
Source – iheartguts.com, 123rf.com, clipartpanda.com

කරවිල වකුගඩුවේ ගල් ඇතිවීමේ රෝගී තත්ත්වයෙන් මිදෙන්නට අගනා ඔසුවක් ලෙස සැලකෙනවා. ආහාරයත් සමඟම සිරුරට එකතු වන නිසා ඖෂධයක් ලෙසින් සිරුරට එක්කාසු වීම වේගවත් කරන අතර අපට බාහිර ඔසු ලබාගැනීමෙන් තොරව මේ රෝග තත්ත්වය පිළියම් ලබාගන්නට පුළුවන්.

 

3. සිරුර තුල කොලේස්ට්‍රෝල් මට්ටම පාලනය කරයි
Cholesterol
Source – thehealthyways.in, shutterstock.com

වැරදි ආහාර රටා මගින් සිරුරේ පවතින කොලේස්ට්‍රෝල් මට්ටම ඉහල යාම පාලනය කිරීමටත් කරවිල කියන්න හොඳ විසඳුමක්. හදවත් ආබාධ, හදවත් රෝග සහ රුධිර නාල වල ලේ කැටි ගැසීම් වැලක්වීමටත් කරවිල සමත්කම් දක්වනවා.

 

4. පිළිකා සෛල මැඩපවත්වයි
Cancer
Source – jimenezvareladiseases.blogspot.com, clipartsheep.com

පිළිකා නාශක ගුණ ඇති ආහාරයක් ගැන ඔබ කල්පනා කරනවා ඔබේ මනසට මුලින් ම පැමිණිය යුතු ආහාරයක් ලෙස කරවිල දක්වන්නට පුළුවන්. ඉහත කීවා සේ සිරුර තුල සිනි මට්ටම පාලණය කරන අතරතුර, අග්න්‍යාශ ආශ්‍රිත පිළිකා සෛල වර්ධනය වීම මැඩ පවත්වන්නට සමත්කම් දක්ක්වනවා. මීට අමතරව කරවිල ආහාරයට එක්කාසු කර ගැනීම මගින් පුරහ්ස්ථ ග්‍රන්ථි, මහාබඩවැල, අක්මාව සහ පියයුරු ආශ්‍රිතව පිලික සෛල ඇතිවීම වැලැක්වෙන බව වෛද්‍යවරුන් පවසනවා.

 

5. ලේ පිරිසිදු කරයි, සම පැහැපත් කරයි
Blood
Source – makeupandbeauty.com

කරවිල රුධිරයේ ඇති අපද්‍රව්‍ය ඉවත් කරනවා, පිරිසිදු රුධිරය සියලු සෛල වලට ගමන්කළ විටයි සිරුර සෞඛ්‍යමත් වවන්නේ. එසේ පිරිසිදු රුධිරය සිරුර පුරා සංසරණය වන විට සම පැහැපත් වීම නිරතුරුවම සිදුවන දෙයක්. එසේ සම පැහැපත්වීම [සෞඛ්‍යමත් වීම] නිසා සැමට වැළදෙන නොයෙක් ඉස්හොරි, කුරුලෑ, ලප කැළැල්, පොතුකබර රෝගී තත්වයන්, පණුරෝගආදිය වැලැක්වීම සිදුවනවා. මීට අමතරව සම මත ඇතිවන විවිධ තුවාල සහ අසාත්මිකතා වලවන්නටත් කරවිල කරන්නේ මහඟු මෙහෙයක්. ඉතින් ඔබ මේ විදියට ලස්සනට පැවතුනොත් ඔබට කැමති අය දෙපාරක් හැරිලා බලන බව නම් අනිවා ෂුවර්..!

 

6. විටමින් මට්ටම නිසා ඔබව නිරෝගී කරවයි
Vitamins
Source – catholicalcoholic.com

විටමින් වලින් පොහොසත් මේ අපුරු ආහාරය, සිරුර තුල රුධිරය අලුතින් නිපදවන්නට සහ අස්ථි ශක්තිමත් කරන්නට බොහෝ වැදගත් කාර්යභාරයක් ඉටුකරන බව නොරහසක්. මීට අමතරව ආමාශයේ දැවිල්ල සහ ඉන් ඇතිවන තුවාල සුවපත් වීම සඳහාත් භාවිතා කරයි. මෙයට අමතරව ක්‍රීඩාශීලී ජීවනරටාවක් සහිත පුද්ගලයින්ට නිතර ඇතිවන මාංශ පේශී ඉරීයාම් සහ ඒවායේ ඇතිවන වේදනාවන් අඩු කරන්නටද කරවිල වලින් සහය ලැබෙන අතර, කරවිල වැඩි ප්‍රමාණයක් ආහාරයට එක්කර ගැනීමෙන් සිරුරේ විටමින් මට්ටම ඉහලින් තබාගෙන සිරුර නිරෝගී කරගන්නට ඔබට අවස්තාව ලැබෙනවා.

 

7. ප්‍රතිශක්තිය වඩවයි
Immunity
Source – collective-education.com

ශක්තිමත් ප්‍රතිශක්තීකරණ පද්ධතියක් මගින් ලෙහෙසියෙන්ම අපට අහිතකර බැක්ටේරියා සහ රෝගතත්ත්වයන් ගෙන් මිදී සිටීමට හැකියාව ලැබෙනවා. ඉතින් කරවිල ආහාරයට එක්කර ගැනීමේදී, සෙම්ප්‍රතිශ්‍යාව, වෛරස් රෝග, උණ රෝගය ආදිය ලෙහෙසියෙන්ම පිටු දකින්නට පුළුවන් වෙනවා. තවද ආහාර ජීරණය ක්‍රමවත් වීම නිසා ආහාර අජීරණ වලින් මිදී සිරුර වඩාත් සෞඛ්‍යමත් වනවා.

හැමදාම උදෑසන ආහාර සමගම කරවිල යුෂ වීදුරුවක් පානය කිරීමෙන්, රසට කරවිල මැල්ලුමක් හදා ගැනීමෙන් වගේ දේවල් වලින්, මේ සියලු රෝග තත්ත්වයන්ට පිළියම් පහසුවෙන් ලබා ගන්නට පුළුවන්. ඔබ කලයුත්තේ වෙළඳපොලේ පිරිසුදු කොළ පැහැති ලපටි කරවිල ටිකක් ගෙදරිත් ගෙනත් තබාගෙන ඔබේ සිරුර සෞඛ්‍යමත් කරගැනීම පමණයි.

 




Hela FM Media Network

Continue Reading
Click to comment

Leave a Reply

Your email address will not be published. Required fields are marked *

සෞඛ්‍ය ලිපි

අඹ ගෙඩියකින් කරන්න පුලුවන් දේවල් 5ක් – Hela FM Media

Published

on


අඹ! අඹ වලට කවුද අකමැති? අඹ කියන්නෙ ඉතාම රසවත් පළතුරක්. කොච්චර රසවත්ද කියනවනම් සුවිශේෂී යාලු කමක් හඳුන්වන්නත් අඹ යාලුවෝ කියල කියනවනෙ. හින්දු වේද ග්‍රන්ථ වල දෙවියන්ගේ ආහාරය (Food for the gods) හැටියටත් අඹ හැදින්වෙනව.

අඹ කියන්නෙ වෙනස් වෙනස් රස මවන්න සමත් පළතුරක් බාගෙට පැහීගෙන එද්දි දත් හිරිවට්ටන ඇඹුල් රහටත් හොඳට ඉදුනම මී පැණි වගේ පැණි රහටත් කන්න පුලුවන් පළතුරක්. විවිධ රසයන්ගෙන් යුතු විවිධ අඹ වර්ග බොහොමයක් අපිට එදිනෙදා පොළේදි, සුපර් මාර්කට් එකේදි මිලදී ගන්න පුලුවන්කම තියනවා. විලාඩ්, මී අඹ, කර්තකොලොම්බන්, අල්පොන්සො, ගිරා අඹ… හිතල බලන්න මේ වගේ අඹ වර්ග කීයක් ඔයාලත් රස විඳල තියනවද කියල.

අද අපි කියන්න යන්නෙ මේ රසවත් පළතුරෙන් අපි හැමෝටම කරන්න පුලුවන් දේවල් පහක් ගැන. මේ ලැයිස්තුවේ එන 5වෙනි කරුණ ඔයාලව පුදුමයට පත් කරන්නත් ඉඩ තියනව කියල කලින්ම කියන්න ඕන.

 

1. අඹ අච්චාරු

Mango අච්චාරු
කටට කෙල වගුරව‍න අඹ අච්චාරුව
Source – pinterest.com

අච්චාරු නම ඇහුවමත් ලුණු, මිරිස්, සීනි,විනාකිරි සුවද දැනෙනව වගේ නේද?

අච්චාරුවක් හදන්න මහ ලොකු සූපවේදී දැනුමක් තියෙන්න ඕනෙ නෑ. ඉස්සර පොඩි කාලෙ සෙල්ලම් කරද්දි පොඩි විවේකයක් ලැබුණම අහල පහලක අඹ ගහකට ගලකින්, පොල්ලකින් ගහල අඹ ගෙඩි දෙක තුනක් බිම වට්ටගෙන ඔයාලත් ඕන තරම් අච්චාරු හදල ඇති නේද?

හරි, හදල නැති අය ඔන්න අහගන්න.

ගන්න  අඹ ගෙඩි දෙක තුනක්. බාගෙට ඉදිච්ච නම් වඩාත් හොඳයි. සෝදල සුද්ද කරල පොඩි තීරු වලට කපා ගන්න. ඊට පස්සෙ යන්න කුස්සියට. ගිහින් ලුණු, සීනි තේ හැන්දක් බැගින් , විනාකිරි තේ හැන්දක්, මිරිස් ගම්මිරිස් මේස හැඳි දෙක තුනක් බැගින් භාජනයකට දා ගන්න. දැන් මේව ඔක්කොම කපාගත් අඹ කැබලිත් එක්ක මිශ්‍ර කරගන්න. පොඩි වංගෙඩියක් තියනවනම් මේ මිශ්‍රණය ටිකක් තලාගන්න. එතකොට තවත් රසවත්.

දැන් ඉතින් සූස් සූස් ගගා කන්න තමයි තියෙන්නෙ.

 

2. අඹ ස්මූති

Mango Smoothie
රස කර කර බොන්න අඹ බීමක්
Source – pinterest.com

ස්මූති හදන්නත් පුලුවන්. තිබහට වගේම පොඩි බඩගින්නටත් කියාපු දෙයක් තමයි මැන්ගෝ ස්මූති කියන්නෙ. කිරි, අයිස්ක්‍රීම් සහ කපාගත් ඉදුණු​ අඹ කැබලි බ්ලෙන්ඩ් කරගෙන අපි කාටත් පහසුවෙන්ම ගෙදරදී මේ පානයක් හදාගෙන රස බලන්න පුලුවන්. රසයට වඩා ශරීර සුවතාවයට මුල් තැන දෙනවනම් කිරි සහ අයිස්ක්‍රීම්  ඉවත්කොට ඒ වෙනුවට මේද රහිත කිරි හෝ ආමන්ඩ් කිරි වගේ දෙයක් ආදේශ කරගන්නත් පුලුවන්.

විටමින් A,B,C තියන නිසා රසවත් විතරක් නෙමෙයි ගුණයෙනුත් පිරිපුන් පානයක්.

 

3. අඹ චට්නි

Gihan's World Famous Mango Chutney
ගිහාන්ගේ ලෝක ප්‍රසිද්ධ අඹ චට්නිය
Source – https://www.facebook.com/1suru

අඹ චට්නි ටිකක් තියනවනම් කෑම මේසෙට උත්සව සිරියක් එනවා. පොඩි පැණි රසක් සහ පුංචි සැරක් ගෙනදෙමින් එදිනෙදා කෑම වේල තවත් රසවත් කරන කල්තබාගතහැකි නියම කෑමක් තමයි අඹ චට්නි කියන්නෙ. ටිකක් අන්තර්ජාලය විමසල බැලුවොත් ගෙදරදීම පහසුවෙන් පිළියෙල කරගතහැකි අඹ චට්නි රෙසිපියක් සොයාගන්න අපහසු වෙන එකක් නෑ.

 

4. අඹ මාලුව

Mango Curry
බත් එක්ක නියමෙට ගැලපෙන අඹ මාලුව
Source – sailusfood.com

රැයක් අඟුරු උඩ හිදෙන්න තියල ඉස්සර ආච්චිලා හදන අඹ මාලුව කොච්චර රසද? දැන් එහෙම නැති උනත් ගෙවත්තෙන් හෝ මාකට් එකෙන් ගන්න අඹ ගෙඩි කිහිපයකින් ගෑස් ලිපෙන් උනත් රසවත් අඹ මාලුවක් සාදා ගන්න ඔයාලටත් හැකියාව තිබෙනවා.

මස් මාලු නැති බත් පතක් උනත් රසවත් කරන්න පුලුවන් තරම් රසවත් කරියක් තමයි මේ අඹ මාලුව. ඒ විතරක් නෙමෙයි උණු උණු රෝස්පාන් එක්ක රස විඳල බලන්න. හරිම රසවත් අත්දැකීමක් වෙනවා සත්තයි.

එහෙත් මේ මොන දේ හැදුවත් අඹ ඇටේ අහක දාන්න එපා!

 

5. හිසකෙස් රකින්නට ඔබටම සාදා ගත හැකි අඹ තෙලක්

Mango seed in oil
අකාලෙට කෙස් හැලීම හෝ පැසීමට පිළිතුර
Source – edibletropicalplants.com, 965malls.com

කාල විසි කලා නේද අඹ ඇටේ? අයියෝ! යන්න යන්න ගිහින් ආපහු ඇහිඳන් එන්න.

අඹ ඇටය හොඳින් වියලවා ගන්න. ඊට පස්සෙ ඒකෙ පිට පොත්ත ඉවත් කරල මදය අරගන්න. ඔලිව් හෝ පොල් තෙල් ටිකක් වීදුරු භාජනයකට දාන්න. ඉන්පස්සේ අඹ ඇටය එයට දමා සතියක් විතර ඉර එළියට නිරාවරණය වෙන තැනක තියන්න.

සතියකට පස්සෙ ඔයාලට හම්බවෙන්නෙ නියම අඹ ඔයිල් එකක්. ඒක හිස් කබලේ ඇතිල්ලීමෙන් හිස්හොරි, අකලට කෙස් පැසීම කෙස් හැලීම ගොඩක් අඩු කරගන්න පුලුවන්.

 




Hela FM Media Network

Continue Reading

සෞඛ්‍ය ලිපි

සුවබර ජීවිතයකට ආයුර්වේදයෙන් ඔත්තු 11ක් – Hela FM Media

Published

on


 

බොහෝ අවස්ථාවල ගොඩක් අය ආයුර්වේදය තමන්ගේ ජීවිතේට ලංකරගන්න හදන්නේ එක එක සුඛෝපභෝගී සහ ජනප්‍රිය නිෂ්පාදන සහ ස්පා ප්‍රතිකර්ම වැනි මිල අධික ක්‍රම වේදයන් මගින්.

ඒත් ඔබ සමහර අවස්ථාවල අසා ඇති විවිධ සෞඛ්‍යය පුරුදු, බටහිර වෙදකමේ මේ වන විට ලබාදෙන සමහර අත් බෙහෙත් ආයුර්වේදයට සම්බන්ධතාවක් තිබෙනා බවට ඔබ දන්නවාද? ඉතින් ඔය ලොකු ලොකු ගණන් ගෙවල ගන්න ප්‍රොඩක්ට්වලින් හරි ලොකු ලොකු ස්පාවලින් හරි විතරක් නෙවෙයි, මේ කෙටි ක්‍රම මඟින්ද සුවබර ජීවිතයකට ආයුර්වේදයෙන් ලඟා වෙන්න.

 

1. ඉක්මනින් අවදි වෙන්න.
Source - youtube.com
Source – youtube.com

අයුර්වේදයෙන් ඔබට ලැබෙන ප්‍රතිලාභ අත් විදින්නට අපිට ලේසියෙන්ම කරන්නට පුළුවන් දෙයක් කියන්නද? උදෙන්ම අවදි වෙන්න. උදෙන්ම අවදි වෙන්නත් කලින් නිදාගන්න ඕනෙනේ. අඩුම තරමින් පැය හයක්වත් සුවබර නින්දක් ලබන්නට වෙනවා. එසේ වේලාසනින් අවදි වන්න. ආයුර්වේදයේ උපදෙස් දෙන්නේ උදේ පාන්දර 4.30ත් 5.00 ත් අතර අවදි වන්නට හැකිනම් නියමයි කියලයි. හිරු නැගෙන්නට පළමු හෝරාව හඳුන්වන්නේ බ්‍රහ්මයාගේ හෝරාව කියලයි. පොළොවට වැටෙන මුල්ම හිරු එලිය අපේ සිරුරට ගෙන එන්නේ ඉතා හොඳ සවියක්, ශක්තියක්.

 

2. ආයුර්වේදයට හිතකර ආහාර රටාවකට හුරුවෙන්න.
Source - healthyfamilyfoodscanada.com
Source – healthyfamilyfoodscanada.com

ඔබට ලෙඩ රෝගවලින් තොර ජීවිතයක් නම් අවශ්‍ය, හොඳම දේ ඔබ ආහාරයට ගන්නේ මොනවාදැයි හොඳින් සොයා බලන්න. කෘත්‍රිම සහ ජාන වෙනස් කරන ලද ආහාර වලට වඩා නැවුම් ස්වභාවික ආහාර රටාවකට හුරු වන්න. වැඩිපුර පලතුරු සහ එළවලු ආහාරයට ගන්න. තෙල්වලින් පිරුණු ජන්ක් ෆුඩ්ස් වලට වඩා එහෙම කෑමක් කොයිතරම් හොඳද? ඉතින් මේ හේතු නිසා ඔබේ ආහාර වේලට ආයුර්වේදය එකතුකර ගතහොත් ඔබේ සිරුර ඔබට හිතකර ශක්තියක් නිපදවා ඔබව නිරෝගී කමේ ඉහලටම රැගෙන යාවි.

 

3. වතුර වීදුරුවකට මී පැණි හැන්දක් වටිනවා ජීවිතයක්
Source - honeyandherbshealth.com
Source – honeyandherbshealth.com

උදැසන අවදි වීමෙන් පස්සේ පිරිසුදු මීපැණි තේ හැන්දක් වතුර වීදුරුවකට මුසු කර බීමෙන් ඔබේ සිරුර තුල එකතු වී ඇති විෂ කෙමින් කෙමින් ඉවත්වෙමින් යන්නට පටන් ගනීවි. විවිධ බැක්ටීරියා වර්ග නිෂ්පාදනය වීමේ ඉඩකඩ මේ නිසා අඩුවන නිසා, ඔබට ඔබේ වියදම් ලේසියෙන් ම කපා හරින්නටත් පුළුවන් වේවි.

 

4. ඇවිද්ද පය දහස් වටී.
Source - indiatimes.com
Source – indiatimes.com

යන්න උදේට පොඩි රවුමක් ගහලා එන්න. මේ ගමන හවසටත් යන්න පුලුවන්නම් තමයි ඇත්තටම මරු. එකක් ඇවිදීම කියන්නේ අපිට නිර්දේශ කරන්නට හොඳම දෙයක්. එය මනසේ නිදහස සහ ජීවන නිදහස කියන දෙකම ඔබ වෙත නිතැතින්ම හමා එන්නේ මේ උදැසන ඇවිදීම කියන සාධකය මත.

 

5. විෂ පරාජය
Source - 123rf.com
Source – 123rf.com

සිරුරේ එකතුවෙලා තියෙන විෂ ඉවත් කරන්න කරන්න තියෙන හොඳම විදිය තමා උදේ නැගිට්ටට පස්සේ බහිශ්‍රාවය කිරීම. එය උණු වතුර වීදුරුවක් පානය කර අත් දෙපසට කර හිරි ඇරීම මගින් ලෙහෙසියෙන්ම කරන්නට පුළුවන්.

 

6. ලෙඩට ස්වභාව ධර්මයෙන් බෙහෙත් ගැනීම.
Source - tokopedia.com
Source – tokopedia.com

දිනපතා ආහාර වලට ඖෂධිය ගුණයෙන් යුතු ආහාර කොටස් එක්කර ගැනීමෙන් ඔබට ලෙහෙසියෙන්ම ඔබව නිරෝගී බවින් පිරවිය හැකියි. නැවුම් ඉගුරු, කහ, සුදුලූනු, කරාබුනැටි, ගම්මිරිස් වැනි එදිනෙදා ජීවිතයේ පහසුවෙන් සොයා ගන්නට පුළුවන් දේ ආහාරයට එක්කර ගන්නට පුළුවන් නම් රහසේම ඔබේ සිරුර ඔබව නිරෝගී කමින් තබාගනීවී.

 

7. වතුර? ඒ මොකටද???
Source - popsugar.com
Source – popsugar.com

දිනපතා වතුර විදුරු 4-5ක් පානය කරන්න පුලුවන්නම් එය තමා හොඳම දේ ඔබේ සිරුර අඩුම වියදමකින් සෞඛ්‍යමත් කරනන් කියලා අයුර්වේදයෙන් සඳහන් වෙනවා. ඒ විතරක් නොවෙයි, සිරුරේ ඔක්සිජන් ප්‍රමාණය සහ ජලය මට්ටම ඉහල යාම ආහාර දිරවීම ක්‍රමවත් කිරීමට මහඟු සේවයක් කරනවා.

 

8. මසාජ් එකකට පුළුවන් වැඩක්.
Source - massagemag.com
Source – massagemag.com

උදේට ඔබේ හිස තෙල් දමා සම්භාහනය කරගන්නට පුළුවන් නම් එයින් මුහුණේ රැලි වැටීම, හිසකෙස් සුදුවීම වගේ දේවල් ලේසියෙන්ම නවත්වාගන්නට පුළුවන් කම තියෙනවා. මදක් රත් කරගත් රන් තැඹිලි තෙල් ස්වල්පයක් ලෙහෙසියෙන්ම මේ රාජකාරිය ඔබට කරදෙන බවට කිසිම සැකයක් නැහැ. අනෙක නිරෝගී පෙනුමකින් යුතු සමක් ලැබෙනවට කවුද දෙයියනේ අකමැති?

 

9. පොෂ් එකට හරි කමක් නැහැ ව්‍යායාම පොඩ්ඩක් කරන්න.
Source - youtube.com
Source – youtube.com

ලෝකෙට පෙන්න හරි කමක් නැහැ ව්‍යායාම පොඩ්ඩක් කරන එකෙන් ඒ වාසිය ලැබෙන්නේ ඔබටමයි. සිරුරෙන් දහදිය පිටකිරීමෙන් ඔබේ සහ ඔබේ මස්පිඩු හැකිලීමට දිගහැරීමට ලක්වීමෙන් ඒ වටා බැදී ඇති මේදය පහව යන්නට ඉතා ඉහල උදව්වක් සපයනවා. වැඩිය එපා, දවසකට විනාඩි 30ක් හොඳටම ඇති.

 

10. ඔබේ නිරෝගී බව පානය කරන්න.
Source - twicsy.com
Source – twicsy.com

සියල්ලම වගේම ඔබේ ආහාරයට රසවත් කොළ කැඳ කොප්පෙකින් එකතු කරන සෞඛ්‍යමත් බව මෙතෙකැයි කියලා කියන්න බැහැ. ඔබේ බොහෝ අසනීපයන් උදෑසනට බොන්නට හැකි කොළකැඳ කොප්පෙකින් පලවා හරින්නට හැකි බව දන්නවද? කොළ කැඳ බොන්නට ගමටම එන්න ඕනේ නැහැ. ඔය දියත උයන එකේ වගේම කැලෑ පොලේත් එක එක ජාතියේ රසම රස කොළ කැඳ විකුණන්නට තියෙනවා.

 

11. භාවනාව කාරනාව
Source - ritamaher.com
Source – ritamaher.com

මෙච්චර වෙලා කිව්වේ සිරුර තුල නිරෝගී වෙන විදිහනේ. ඇයි මනස කියන්නේ සිරුරේ කොටසක් නෙවෙයිද? ඔව්. කාර්ය බහුල ලෝකෙන් ටිකක් ඈත වෙලා, පොඩි විවේකයක් ගන්න, පොඩ්ඩක් පැත්තකට වෙලා නියමිත පරිදි හුස්ම ඉහල පහල යාම ගැන විතරක් අවධානය යොමු කරන්න පුළුවන් අආකරයේ පොඩි භාවනාවක් කරන්න උත්සහ කරන්න. සිත චංචල නම් උඩ කියාපු කිසිම දෙයක් වැදගත් වෙන්නේ නැහැ.

(තොරතුරු සැපයීමෙන් අපට සහය වූ ආයුර්වේද වෛද්‍ය ධනුෂ්කා නිශාදි කුලරත්න මෙනවියට අපගේ ස්තුතිය.)

 




Hela FM Media Network

Continue Reading

සෞඛ්‍ය ලිපි

කෝමාරිකා කියන තරම් හොඳද? පිළිකා ඒඩ්ස් සුව කරනවද? කෝමාරිකා ගැන නොකියන ඇත්ත මෙන්න – Hela FM Media

Published

on


 

කෝමාරිකා කියන්නේ බොහොම හොඳ බෙහෙතක්/ ආහාරයක් කියන එක අපෙ අම්මලා තාත්තලා ඉස්සර සිටම කියනවා. ඇත්තටම කෝමාරිකා වලට වසර 6000 ක පමණ අතීතයක සිට භාවිතා කල බවට විවිධ රටවල් වලින් සාක්ෂි හමුවෙනවා. ඉතින් ඒ වගේම වර්තමානයේ විවිධ ඖෂධීය නිෂ්පාදන වලටත් කෝමාරිකා භාවිතා වෙන බවට කරුණු පල වෙනවා. ඉතින් අපි අද උත්සහ කරන්නේ මේ භාවිතා කරන කෝමාරිකා ඇත්තටම ගුණයක් තිබෙනවද? එසේනම් ඒ මොනවද? ගුණය ලැබෙන්නේ කොහොමද? කියන කාරණා ගැන පොඩි සොයා බැලීමක් කරන්නටයි.

 

1. ඊට කලින් සිද්ධාර්තේ ගැන අහලා ඉන්ට…
Aloe Vera Expose
Source – ayurvediccorp.gov.lk

ඉස්සර අපේ සමාජෙ තිබුනා එක තෙල් වර්ගයක් එකේ නම සිද්ධාර්ථ තෛලය. ඉස්සර ගම් වල ඕනෑම කෙනෙක් මොකක් හරි අසනීපයක් වුනාම කරන්නේ අර තෙල් වර්ගයෙන් පොඩ්ඩක් අරගෙන ගාන එක. කොන්දේ අමාරුව? ගාන්නකෝ සිද්ධාර්තේ, අතේ රුදාව? ගාන්නකෝ සිද්ධාර්තේ, දණිස්ස රිදෙනවද? ගාන්නකෝ සිද්ධාර්තේ, ඒ විතරක් නෙවෙයි පොඩ්ඩක් පපුව රිදෙන්න ඇල්ලුවත් ගාන්නේ සිද්ධාර්තේම තමා. ඉස්සර කෝකටත් තෛලේ කියලත් මේ සිද්ධාර්ථ තෛලය හැඳින්නුවා.

 

2. මේ නම් කිනම් වස්ත්‍රයක් ද මේ?
Aloe Vera Expose
Source – aloeforever4you.net

දැන් ඔබ බලනවා ඇති ඇයි මේ කෝමාරිකා ගැන කියන්න ඕනේ වෙලේ සිද්ධාර්තයක් ගැන කියවන්නේ කියලා. ඒකට හේතුව තමා ලෝකේ වෙළඳ පොළ කෝමාරිකා ගැන මවලා තියෙන රූපයත් ඊට දෙවෙනි නැහැ. හරියට ඔබේ වත්තේ කෝමාරිකා ගහක් තියෙනවා නම් ආපහු ඔබට දොස්තර කෙනෙක් ගාවට යන්න උවමනා වෙන එකක් නැති ගානටයි මේ මාධ්‍ය සහ අනෙකුත් වෙළඳ පොළ මගින් කෝමාරිකා ගැන ප්‍රතිරුප මවලා තියෙන්නේ.

නිකමට ඔබ අන්තර්ජාලයේ කෝමාරිකා කියා සිංහලෙන් හෝ Aloe Vera කියලා ඉංගිරිසියෙන් සෙවුමක් දමා බලන්නට පුලුවන්නම් මේ ගැන ඇත්ත නැත්ත තේරුම් යාවි. අක්මාවේ පිළිකා සුව කිරීමේ සිට බැක්ටීරියා ආසාදන සුව කිරීම දක්වාම සියලුම දේවල් මේ කෝමාරිකා වලින් කරන්නට පුළුවන් කියලයි ඔවුන් කියන්නේ.

 

3. ඇත්තටම සමාජය් මෙහෙම කියන්න හේතුව මොකද්ද? ඇත්තටම කෝමාරිකා වල මේ කියන තරම් ගුණයක් තියෙනවද?
Aloe Vera Expose
Source – kirtipatel.com

මෙහෙමයි, කෝමාරිකා ගැන ගුණ වයන්න අපේ සමාජය පටන් ගැත්තේ අද ඊයේ හිටන් නෙවෙයි. කෝමාරිකා ශාකය භාවිත කරලා ග්‍රීකයින්, සහ රෝමන් වාසින් තමන්ගේ තුවාල සඳහා ඖෂධයක් ලෙස යොදාගත්තා මෙයට අවුරුදු 6000කට පෙරදීත්. ඒ වගේම මධ්‍යතන යුගයේදී යුරෝපියානුවෝ තම සිරුරු විරේචනය කරගන්නට කෝමාරිකා භාවිතා කර තිබෙනවා. ඉතින් මේ තත්වය අදටත් වෙනසක් නැතුව පවතින්නේ මෙන්න මේ නිසා කියලයි අපි නම් හිතන්නේ.

 

4. ඒ වගේම…
Aloe Vera Expose
Source – thesleuthjournal.com

ඇමෙරිකාවේ ෆෙඩරල් ඖෂධ අධිකාරිය (FDA) කෝමාරිකා කියන බෙහෙත ලැයිස්තු ගත කරලා තියෙන්නේ ආමාශ ගත ප්‍රදාහා වලට භාවිතා කල හැකි “පුරකයක්” (ඖෂධයක් ලෙස නොව) විදියටයි. මෙයට අමතරව කෝමාරිකා තුවාල සුව කරන්නට, කුඩා තුවාල සඳහා යොදන්නට වගේම, ඇඳ තුවාල සඳහාත් යොදාගන්නවා.

කෝමාරිකා පිත්තේ ඇතුලත තිබෙන කොමාරිකා ජෙලි වැනි කොටස භාවිතා කරලා තැනූ විවිධ බෙහෙත් වර්ග අපිට ඕනෑම ඔසු හලකින් සොයාගන්නට හැකියාව තියෙනවා. ඒ වගේම අපිට ස්වභාවිකව කෝමාරිකා පිත්තකින් සූරා ගත් ජෙලි වැනි කොටස මලබද්ධයක් පවතින අවස්තාවක හොඳ අත්බෙහෙතක් ලෙස භාවිතා කරන්නටත් පුළුවන් වෙනවා.

 

5. නමුත්
Aloe Vera Expose
Source – foreverliving.com

ඇමෙරිකාවේ NCCIH (National Center for Complementary and Integrative Health) ආයතනය පවසා සිටින්නේ ඔවුන් සතුව කෝමාරිකා වලින් කියනා තරම් ප්‍රයෝජනයක් ඇතිබව ඔප්පු කරන්නට තරම් සාක්ෂි නොමැති බවයි. එම ආයතනය එලෙසින් කියුවත් තවමත් විවිධ ඖෂධ සමාගම් මේ කෝමාරිකා ශාකය භාවිතා කරමින් තමන් නිෂ්පාදනය කරන බෙහෙත් වර්ග විකිණීමේ යෙදී සිටිනවා.

එක වරකදී මේ සම්බන්ධයෙන් නිති මාර්ගයෙන් ක්‍රියා කරන්නට රජය කටයුතු කලේ මෙන්න මේ අයුරින්.

 

1996 දී ඇමෙරිකාවේ මේරි ලෑන්ඩ් හි එක්තරා සමාගමක් කෝමාරිකා වලින් කල නිෂ්පාදනයක් වෙළඳ පොලට මුදා හරින්නේ T-UP නමින්. ඔවුන් කියා සිටින්නේ මේ බෙහෙත පිළිකා, ඒඩ්ස්, හර්පීස් සහ ස්වභාවික ප්‍රතිශක්ති ඌනතා වලට ප්‍රතිකාරයක් ලෙසිනුයි. රට පුරාම මේ දිව්‍ය ඔසුවක් වගේ වෙන බෙහෙත ගැන විස්තර ප්‍රචාරය වෙන විට එහි අලෙවියත් බොහොම ඉහල ගියා. නමුත් පසුව කල පරීක්ෂණ වලින් හෙළි වන්නේ T-UP හි එවැනි ඖෂධ මය ගුණයක් නොමැති බවයි. පසුව 1999 දී එම සමාගමට ෆෙඩරල් ඖෂධ අධිකාරිය මගින් නඩු පවරන්නේ ජනතාව නොමග යැවීමේ වරදට හසු කරමින්.

 

6. දැන් ඔබ මොකද හිතන්නේ කෝමාරිකා ගැන?
Aloe Vera Expose
Source – quora.com

කෝමාරිකා එදිනෙදා අවශ්‍යතාවලට භාවිතා කරන්නට හැකි වුනත්, සත්‍යවශයෙන්ම එහි පවතින ශාරීරික ගුණාත්මක භාවය ගැන කිසිවෙක් මෙතෙක් ඔප්පු කරලා නැහැ. ඉතින් මෙන්න මේ නිසා ඔය පිළිකා ඒඩ්ස් වගේ දේවල් වලට නෙවෙයි. සාමාන්‍ය පිච්චීම්, තුවාල සහ පොඩි පොඩි අත් බෙහෙත් සඳහා භාවිතා කරන්නට පුලුවන් කිසිම අවුලක් නැතිව. අනෙකුත් ලෙඩ රෝග සඳහා මෙහි ගුණ අගුණ ගැන සඳහන් කිරීමට මෙතෙක් ප්‍රමාණවත් සාක්ෂි ලැබී නැති බව මතක තබාගන්න එක හොඳයි.

 
Cover Image Source – alwayshealthyliving.com
 




Hela FM Media Network

Continue Reading

උණුසුම් පුවත්

Copyright © 2019 Hela FM Media Network. Powered By Atoms Lanka IT Solutions (Pvt) Ltd